Իրանցի գործիչը Էրդողանին անվանել է Իսրայելի խամաճիկ

Տարածաշրջան12:22, 29 Հունվար 2014

Իրանցի գործիչը Էրդողանին անվանել է Իսրայելի խամաճիկ

Իրանի հեղափոխության պահապանների կորպուսում երկրի հոգևոր առաջնորդ Այաթոլլահ Ալի Հոմենեի ներկայացուցիչ Աբդուլլահ Մաջը Սադըքին քննադատել է Թուրքիայի վարչապետ Ռեջեփ Թայիփ Էրդողանին Սիրիայի ճգնաժամում ունեցած դերակատարման համար:

Թուրքական «Ուլուսալքանալ» լրատվական կայքը ընդգծում է, որ այդ քննադատությունը հնչեցվել է վարչապետ Էրդողանի` Իրան կատարած այցից ընդամենը մի քանի ժամ առաջ:

«Թուրքիայի վարչապետը մինչև վերջերս սիրիական ճգնաժամում ավելի շատ Իսրայելի խամաճիկի պես էր գործում»,- ասել է Սադըքին:

Նա նշել է, որ Էրդողանը Թուրքիայի սիրիական քաղաքականության ձախողումից հետո ցանկանում է Իրանի հետ հարաբերությունները զարգացնել:

«Իրանի և Թուրքիայի երկկողմ հարաբերությունները նոր շրջան են մտնում»,- ընդգծել է Սադըքին:

Հունվարի 28-ին Թուրքիայի վարչապետ Էրդողանը մեկնել է Իրան: Այցի շրջանականերում նախատեսվում են հանդիպումներ Իրանի նախագահ Հասան Ռուհանիի և հոգևոր առաջնորդ Այաթոլլահ Ալի Հոմենեի հետ:
Ստորագրվելու է 5 պայամանգիր, որոնցով նախատեսվում է մինչև 2015 թվականը երկու երկրների միջև առևտրաշրջանառության ծավալն ավելացնել՝ հասցնելով 30 մլրդ. դոլարի:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։