Օլանդը Թուրքիայում բարձրացրել է Հայոց ցեղասպանության հարցը

Միջազգային06:25, 28 Հունվար 2014

Օլանդը Թուրքիայում բարձրացրել է Հայոց ցեղասպանության հարցը

Հունվարի 27-ին Թուրքիա է մեկնել Ֆրանսիայի նախագահ Ֆրանսուա Օլանդը: Պաշտոնական ընդունելությունից հետո նա Թուրքիայի նախագահ Աբդուլլահ Գյուլի հետ առանձնազրույց է ունեցել, որին հաջորդել է երկու նախագահները համատեղ մամուլի ասուլիսը:

Ֆրանսիայի նախագահ Օլանդը մամուլի ասուլիսի ժամանակ բարձրացրել է Հայոց ցեղասպանության ճանաչման հարցը:

«Նման պատմական իրադարձությունների ուսումնասիրությունը կարող է ցավալի լինել: Մենք պետք է հաշտության ուղիներ փնտրենք: Պետք է աշխատենք, որպեսզի անցյալում տեղի ունեցածի մասին իմանան»,- Ֆրանսիայի նախագահի խոսքերը մեջբերում է թուրքական «Աքշամ» թերթը:

Օլանդը հիշեցրել է, որ 2008 թվականին Ֆրանսիայում Հայոց ցեղասպանությունը ճանաչող օրենք էր ընդունվել, որը պետք է կիրառության մեջ մտնի:

Թուրքիայի նախագահ Գյուլն իր հերթին նշել է, որ Թուրքիան պատրաստ է բացել իր արխիվները, սակայն այդ հարցը միակողմանի հնարավոր չէ լուծել: Գյուլը ընդգծել է , որ այս տարիներին Թուրքիայում զգալի փոփոխություններ են արձանագրվել խոսքի ազատության տեսանկյունից, բազմաթիվ օրենքներ են փոխվել, որոնք հնարավորություն են տալիս խոսել ժամանակին արգելված թեմանրի մասին: Գյուլը հիշեցրել է նաև Մարդու իրավունքների եվրոպական դատարանի կողմից(ՄԻԵԴ) Թուրքիայի աշխատավորական կուսակցության նախագահ Դողու Փերինչեքի գործով կայացված որոշման մասին: ՄԻեԴ-ը Փերինչեքին արդարացրել էր՝ նրա կողմից Հայոց ցեղասպանության ժխտումը դիտարկելով խոսքի ազատության շրջանակներում:

Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարտել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։