Սևան Նիշանյանի բանտային պայմանները բարելավվելու նպատակով ստորագրահավաք է սկսվել

Տարածաշրջան12:42, 27 Հունվար 2014

Սևան Նիշանյանի բանտային պայմանները բարելավվելու նպատակով ստորագրահավաք է սկսվել

Պոլսահայ հայտնի գրող, հրապարակախոս, լեզվաբան Սևան Նիշանյանի հանդեպ բանտում կիրառվող սահմանափակումները վերացնելու նպատակով էլեկտրոնային ստորագրահավաք է սկսվել: Թուրքերեն լեզվով բացված http://imza.la/ կայքում բոլոր ցանկացողները կարող են էլեկտրոնային ստորագրություն թողնել՝ իրենց նպաստը բերելով Նիշանյանի բանտային պայմանները բարելավվելուն միտված այս նախաձեռնությանը:

Կայքում տեղադրված է նաև Նիշանյանի անարդար դատապարտման վերաբերյալ նախաձեռնող խմբի հայտարարությունը, որը ներկայացված է ստորև.

Սևան Նիշանյանի վերաբերյալ ազատազրկման որոշումը ամոթալի վճիռ է: Նրա հանդեպ կիրառվող ճնշումներն ու սահմանափակումներն անհապաղ պետք է վերացվեն:

«Դատապարտում ենք Սևան Նիշանյանի հանդեպ կիրառված անարդար որոշումը, ըստ որի նա սեփական հողակտորի վրա կառուցած գյուղական տնակի պատճառով 2 տարվա ազատազրկման է դատապարտվել:

Անօրինական շինությունների և անվերահսկելի քաղաքաշինության դժոխք հանդիսացող մի երկրում, Շիրինջեն (գյուղ Իզմիրի Սելչուկ գավառում-EH խմբ.) զբոսաշրջային դրախտավայր դարձրած Սևան Նիշանյանի պատիժը անարդար է ու ամոթալի:

Նիշանյանի նկատմամբ դեռ չավարտված ևս մեկ դատական գործընթաց կա, որը սկսվել է այն պատճառով, որ վերջինս պնդել է, թե մուսուլմանական մեծամասնություն ունեցող մի երկրում իսլամը ծաղրող կամ վիրավորող արտահայտություններ չեն կարող համարվել ատելություն սերմանող հանցագործություն:

Սևան Նիշանյանի դատապարտումը խոսքի ազատության վրա ստվեր գցող մի վարկաբեկիչ որոշում է:

Սևան Նիշանյանը, ով մեծածարժեք ծագումնաբանական բառարաանից բացի բազմաթիվ ստեղծագործություններ է տվել Թուրքիային ու աշխարհին: Բանտում Նիշանյանի վրա կիրառվող՝ գրադարանում աշխատելու ժամերի կրճատումը, համակարգչի արգելումը, ուսումնասիրություններն ու աշխատանքները շարունակելու արգելքները պետք է անհապաղ վերացվի»:

Ermenihaber.am