Ֆրանսիայի նախագահը Թուրքիայում կհանդիպի Ռաքել Դինքի հետ

Տարածաշրջան13:53, 24 Հունվար 2014

Ֆրանսիայի նախագահը Թուրքիայում կհանդիպի Ռաքել Դինքի հետ

Ֆրանսիայի նախագահ Ֆրանսուա Օլանդ Թուրքիա կատարելիք 2-օրյա այցի ընթացքում կհանդիպի «Ակոս» շաբաթաթերթի սպանված հիմնադիր խմբագրապետ Հրանտ Դինքի այրու՝ Ռաքել Դինքի հետ: Այս մասին հայտնում է թուրքական «Դեմոկրատ հաբեր» լրատվական կայքը:
Ֆրանսիայի նախագահի Թուրքիա այցը նախատեսվում է հունվարի 27-28-ին: Այն կլինի Ֆրանսիայի նախագահի մակարդակով առաջին այցելությունը 22 տարվա ընդմիջումից հետո:
Նշվում է, որ այցի ընթացքում Ֆրանսիայի նախագահը կհանդիպի Թուրքիայի գլխավոր ընդդիմադիր «Ժողովրդահանրապետական» կուսակցության առաջնորդ Քեմալ Քըլըչդարօղլուի հետ:

Օլաննդին կուղեկցեն արտգործնախարար Լորան Ֆաբիուսը, Արտաքին առևտրի հարցերով նախարար Նիկոլ Բրիքը, Արդյունաբերության նախարար Առնո Մոնտբուրքը և էներգետիկայի նախարար Ֆիլիպ Մարտինը, ինչպես նաև գործարարներ:

Պաշտոնական հանդիպումների ժամանակ քննարկվելու են երկու երկրների բազմավեկտոր հարբերությունների, մասնավորապես քաղաքականության և տնտեսության վերաբերյալ հարցեր, ինչպես նաև նոր համագործակցության և գործընկերության հնարավորությունները:

Հիշեցնենք, որ Ֆրանսիայի հայկական կազմակերպությունների համակարգող խորհուրդը հայտարարություն էր տարածել՝ կոչ անելով Ֆրանսիայի հայերին մասնակցել բողոքի ակցիաներին, որոնք ողղված են Օլանդի Թուրքիա այցի և Թուրքիայի ԵՄ անդամակցության դեմ:
Բողոքի ակցիաներ տեղի կունենան հունվարի 25-ին Լիոնում, Մարսելում, ինչպես նաև հունվարի 26-ին՝ Փարիզում և Մոնպելյեում: Ցուցարարները կոչ կանեն Օլանդին նախագահական ընտրությունների ժամանակ տված խոստումը կյանքի կոչել՝ ընդունելով Հայոց ցեղասպանության ժխտումը քրեականացնող օրենք։

Ermenihaber.am