Հասարակական13:00, 23 Հունվար 2014
Հաշմանդամ դարձած պատանու ծնողները պահանջում են Էրդողանի կառավարության հրաժարականը
2013 թվականի ամռան սկզբին Ստամբուլի Գեզի զբոսայգու բնապահպանական շարժումից
հակակառավարական հզոր ցույցերի վերածված հանրային բողոքը սաստելու համար թուրքական
ոստիկանությունը իրականացրել էր անհամաչափ ուժային գործողություններ: Դրանց
արդյունքում, ի թիվս այլ քաղաքացիների, մարմնական վնասվածքներ էր ստացել նաև
18-ամյա Մուստաֆա Ալին: Իզմիրաբնակ այս թուրք պատանին գեզիի ցույցերի ժամանակ
հարձակման էր ենթարկվել ոստիկանների կողմից և գլխի շրջանում ստացել գազային
ատրճանակից հասցված ծանր վնասվածք: Բժիշկներին հազիվ է հաջողվել փրկել պատանու
կյանքը:
Ծանր վնասվածքի հետևանքով Մուստաֆան արդեն տառապում է էպիլեպսիա հիվանդությամբ և մեծ մասամբ կորցրել է խոսելու կարողությունը: Պատանու հայրը թուրքական «Ջումհուրիյեթ» լրատվամիջոցի թղթակցի հետ զրույցում հայտնել է, որ իրենց աջակցություն են ցուցաբերում միայն ընդդիմադիր պատգամավորները, իշխանական ճամբարից չկա ոչ մի ուշադրություն: Ու դեռ այդքանից հետո հաշմանդամ դարձած պատանուն պատասխանատվության ենթարկելու մասին ծանուցագիր են ստացել դատարանից: Մուստաֆայի ծնողները պահանջում են թուրքական կառավարության հրաժարականը և նույնը պահանջի կոչով դիմում բոլոր ծնողներին:
Հիշեցնենք, որ Թուրքիայի ներքին գործերի նախարարության տվյալներով` հակակառավարական ցույցերին Թուրքիայի 79 շրջաններից մասնակցել են 2.5 միլիոն մարդ: Պաշտոնական տվյալներով` տեղի ունեցած անկարգությունների հետևանքով տարբեր աստիճանի մարմնական վնասվածքներ էր ստացել շուրջ 4 հազար մարդ, 5 մարդ զոհվել էր, իսկ շուրջ 5 հազար մարդ ձերբակալվել:
Ermenihaber.am
Այս ենթաբաժնի վերջին նորությունները
Այշե Աքըն. «Պետության առաջադրանքն է աշխատել ոչ թե կանանց մարմնի, այլև տնտեսական խնդիրների լուծման վրա»:
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |