Թուրքագետը Հասան Օքթայի հայաստանյան ֆոտոսեսիան համարում է լկտիություն

Հասարակական11:31, 23 Հունվար 2014

Թուրքագետը Հասան Օքթայի հայաստանյան ֆոտոսեսիան համարում է լկտիություն

Թուրքագետ Հակոբ Չաքրյանը անլուրջ է համարում թուրք ազգայնամոլ Հասան Օքթայի արարքը, ով Հայաստանի տարբեր բնակավայրերում նկարվել է թուրքական «Գորշ գայլեր» կազմակերպության խորհրդանշան ցույց տալով և նկարները տեղադրել համացանցում:

«Այդպիսի կապիկությունները սազական չեն մի մարդու, ով Թուրքիայում կովկասյան հետազոտությունների ռազմավարական կենտրոնի տնօրենն է: Այդ քայլով նա նախ բացահայտել է ինքն իրեն և վիրավորել թուրքական «Անադոլու» լրատվական գործակալության արտաքին կապերի բաժնի խմբագրին, ում նա ուղեկցել էր Հայաստան՝ այստեղ գործակալության գրասենյակի բացման համար բանակցելու նպատակով: Նրա արարքը լկտիություն է»,- «Արմենպրես»-ի հաղորդմամբ՝ լրագրողների հետ հանդիպմանը նշեց Չաքրյանը:

Անդրադառնալով Երևանում իր և Հասան Օքթայի հանդիպման մանրամասներին՝ թուրքագետը տեղեկացրեց, որ Օքթայը հունվարի 20-ին զանգահարել է իրեն և տեղեկացրել, որ ցանկանում է հանդիպել: «Ես նրա հետ ծանոթացել եմ 5-6 տարի առաջ և հենց սկզբից էլ հասկացել եմ, թե նա ով է և իրենից ինչ է նարկայացնում, սակայն ես իմ սեփական երկրում վախենալու ոչ մի բան չունեմ և համաձայնեցի հանդիպել, մանավանդ երբ հասկացա, որ խոսքը Երևանում «Անադոլու» լրատվական գործակալության գրասենյակ բացելու մասին է»,- նշեց նա:

Հասան Օքթայը հանդիպման է եկել թուրքական «Անադոլու» լրատվական գործակալության արտաքին կապերի բաժնի խմբագրի հետ: Գրասենյակ բացելու նպատակն է ինֆորմացիան ստանալ ոչ թե երրորդ երկրից, այլ անմիջապես Հայաստանից: «Ընդ որում, նա տեղեկացրեց, որ գրասենյակը ցանկանում են բացել մի պայմանով. եթե Թուրքիայում էլ հայկական գործակալության գրասենյակ բացվի և թղթակիցներն աշխատեն նույն պայմաններով»,- նշեց նա՝ հավելելով, որ Հայաստանից այդ գործակալությունը կարող է լինել «Արմենպրես»-ը՝ որպես միակ պետական լրատվական գործակալություն: Չաքրյանը նշեց, որ գործակալության գրասենյակի բացման հարցով արդեն խոսել է ԱԳՆ ներկայացուցչի հետ, ով իրեն հայտնել է, որ դա այնքան էլ իրատեսական չէ, քանի որ թուրքերը դժվար համաձայնվեն առաջարկվող պայմաններին:

Թուրքագետի կարծիքով՝ Օքթային Թուրքիայում լուրջ չեն վերաբերվում, քանի որ, լինելով Թուրքիայում կովկասյան հետազոտութփյունների ռազմավարական կենտրոնի տնօրեն, նա ոչ մի անգամ թուրքական հեռուստատեսությամբ և մամուլով չի երևացել: «Նրա անլրջության մասին է խոսում նաև Հայաստան կատարած այցի ընթացքում իր արարքը: Ես կարծում եմ, որ նրա ֆեյսբուքյան նկարները Թուրքիայում ընդհանրապես արձագանքի չեն արժանանա, քանի որ Թուրքիան այս պահին ավելի լուրջ խնդիրներ ունի լուծելու, քան Օքթայի ֆեյսբուքյան էջն է»,- նշեց Չաքրյանը:

Հարցին, թե երբ է Օքրայը հանդիպել ՀՀ վարչապետ Տիգրան Սարգսյանի և Ամենայն Հայոց Կաթողիկոս Ն.Ս.Օ.Տ.Տ. Գարեգին Երկրորդի հետ, ում հետ նույնպես լուսանկարներ ունի, թուրքագետը ենթադրեց, որ ինչ-որ հավաքի ժամանակ «գնացել- կպել» նկարվել է՝ ցույց տալու, թե Հայաստանում մեծ կապեր ունի:

Հունվարի 22-ին հայաստանյան մամուլում բուռն քննարկման առարկա են դարձել թուրք ազգայնական Հասան Օքթայի լուսանկարները` գորշ գայլերի խորհրդանշանով` արված Հայաստանի տարբեր բնակավայրերում:

Հասան Օքրայը «Ազգայնական շարժում» կուսակցության անդամ է, որը «Գորշ գայլեր» ահաբեկչական կազմակերպության քաղաքական ներկայացված ձեւաչափն է: Մասնագետները նշում են, որ ժամանակին կուսակցությունը բավական ակտիվ գործունեություն է ծավալել և սերտ կապեր ունեցել գաղտնի ծառայությունների հետ, սակայն հիմա այնքան էլ ակտիվ չեն, քանի որ նրանք ներկայացված են խորհրդարանում:

Ermenihaber.am

Այս ենթաբաժնի վերջին նորությունները

16:24, 24 հուլ

Թուրքիայի ԿԲ-ն նվազեցրել է ռեպո աճուրդի տոկոսադրույքը

Վերագնումի (ռեպո) պայմանագրի հիման վաճառվում են պարտատոմսեր՝ որոշ ժամանակ անց դրանք ավելի բարձր գնով հետ գնելու պայմանավորվածությամբ:

15:43, 24 հուլ

Թուրքերը նախընտրում են կրիպտո ներդրումները

Մինչ Բորսայում Ստամբուլի ակտիվ ներդրողների թիվը կազմում է ընդամենը 5.6 միլիոն, կրիպտո ակտիվ օգտագործողների թիվը անցնում է 10 մլն-ը:

14:10, 24 հուլ

Թուրքիայի ու Պաղեստինի միջև կնքված համաձայնագիրը հրապարակվել է պաշտոնական տեղեկագրում

Համաձայնագիրը վերաբերվում է ազգային վարորդական վկայականների փոխադարձ ճանաչմանը։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիան է առաջարկել «Զանգեզուրի միջանցքը» հանձնել ամերիկյան ընկերությանը

Այս մասին հայտնում է թուրքական մերձիշխանական «Turkiye» թերթի կայքը։

Իմամօղլուն դատվեց Էրդողանի մրցակիցը լինելու համար

Ստամբուլի նախկին քաղաքապետը նախագահական ընտրություններում ձայների 12 տոկոսի առավելությամբ կարող էր հաղթել Թուրքիայի ներկայիս ղեկավարին:

Սիրիան պաշտոնապես օգնություն է խնդրել Թուրքիայից

Ինչպես հայտնում են Թուրքիայի ՊՆ-ի աղբյուրները, խնդրանքը վերաբերում է ռազմական կարողունակությունների բարձրացմանը:

Իսրայելում մտահոգված են, որ թուրքական նոր հրթիռները կարող են հասնել Իսրայելի բոլոր քաղաքներ

Հրեա մասնագետը նշել է, որ թուրքական հրթիռի նախորդ տարբերակը սպառնալիք էր Հունաստանի և Հայաստանի համար, իսկ այժմ՝ այն սպառնալիք է ողջ տարածաշրջանի համար։