Էրդողանը դատի է տվել Թուրքիայի գլխավոր ընդդիմադրին

Տարածաշրջան10:39, 23 Հունվար 2014

Էրդողանը դատի է տվել Թուրքիայի գլխավոր ընդդիմադրին

Թուրքիայի վարչապետ Ռեջեփ Թայիփ Էրդողանը հունվարի 14-ին կուսակցության ժողովի ժամանակ հայտարարել է, որ գլխավոր ընդդիմադիր «Ժողովրդահանրապետական» կուսակցության նախագահ Քեմալ Քըլըչդարօղլուի դեմ դատական հայց է ներկայացրել «անձի իրավունքները խախտելու» մեղադրանքով:

Թուրքական «Սաբահ» թերթը հայտնում է, որ վարչապետն իրեն ոչ նյութական վնաս հասցնելու համար Քըլըչդարօղլուից 100 հազար թուրքական լիրայի փոխհատուցում է պահանջում:

Դատարան ներկայացված հայցում նշվում է, որ Քըլըչդարօղլուի՝ դեկտեմբերի 17-ի կոռուցպիոն սկանդալի համար իշխանություններին ուղղված քննադատությունները դուրս են եղել խոսքի ազատության շրջանակից: Քըլըչդարօղլուն քաղաքական, իրավական քննադատությունների փոխարեն անձնական վիրավորանքներ է հասցրել վարչապետ Էրդողանին՝ նրան անվանելով. «կոռուպցիայի մեծ գիտակ, աշխարհի ամենահարուստ վարչապետ, դաժան, անամոթ, կաշառակեր»:

Հայցով պահանջվում է, որպեսզի վարչապետ Էրդողանին վիրավորելու, զրպարտելու երևույթները կանխնվեն փոխհատուցման բարձր գին սահմանելու միջոցով:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: