Օջալան. «Գեզիի դեպքերի ժամանակ Էրդողանին ես եմ փրկել»

Տարածաշրջան14:12, 22 Հունվար 2014

Օջալան. «Գեզիի դեպքերի ժամանակ Էրդողանին ես եմ փրկել»

Թուրքական հեռուստահաղորդումներից մեկի ժամանակ Քուրդիստանի բանվորական կուսակցության (ՔԲԿ-PKK) առաջնորդ Աբդուլլահ Օջալանի մասին հետաքրքիր տեղեկություններ է հրապարակվել: Ըստ թուրքական «Իտերնետհաբեր» էլեկտրոնային լրատվականի՝ նշյալ հաղորդման ժամանակ մանրամասներ է ներկայացվել Թուրքիայում գործող քրդական Խաղաղություն և ժողովրդավարություն կուսակցության (BDP-ԽԺԿ) պատվիրակության՝ Օջալանին կատարած այցի վերաբերյալ: Ստամբուլի Իմրալը կղզում ցմահ ազատազրկման պատիժը կրող Օջալանը ԽԺԿ-ականների հետ խոսել է Գեզի այգու դեպքերի, «Մեծ կաշառք» օպերացիայի և հայերի մասին:

Հաղորդվող լուրերի համաձայն ամռանը Թուրքիան ցնցած Գեզի այգու դեպքերի մասին ասել է հետևյալը. «Վարչապետն ընտրությունների ժամանակ ինձ մահապատժի ենթարկելուց էր խոսում, սակայն Գեզիի դեպքերի ժամանակ ենս նրան փրկեցի: Եթե սառնասրտություն չցուցաբերեինք վարչապետ Էրդողանին տանելու էին: Դեկտեմբերի 17-ի կաշառքի օպերացիային էլ ենք դեմ կանգնում: Բոլոր հարվածներին էլ դեմ ենք դուրս գալիս»:

Օջալանն անդրադարձել է նաև Քրդական համայնքների միության համանախագահ Բեսե Հոզաթի աղմկահարույց հայտարարությանը, որտեղ վերջինս ասել էր, թե Թուրքիայում գործում են զուգահեռ պետություններ, ինչի ներքո նկատի էր ունեցել նաև հայկական լոբբին:

Այս առիթով վերջինս ասել է. «Հայ ժողովուրդը չպետք է այդ խոսքերին նման արձագանք ցուցաբերի: Այդ խոսքերին ես էլ եմ միանում:

Հրանտ Դինքի մահվան ժամանակ ես ասել եմ , որ նա «վերջին մահացող հայն է»: Այժմ էլ այդ խոսքերիս տեր եմ»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: