Հասարակական09:49, 22 Հունվար 2014
Թուրք «գորշ գայլերը» մտադիր են Երևանում լրատվական գործակալության գրասենյակ բացել (լուսանկարներ)
Հայկական «Անկախ» լրատվական կայքը
տեղեկատվություն է տարածել այն մասին, որ թուրքական «Անադոլու» լրատվական գործակալությունը նախատեսում է Հայաստանում գրասենյակ բացել:
«Անադոլու» գործակալության ներկայացուցիչը և թուրք պատմաբան, Անկարայի Կովկասյան ռազմավարական հետազոտությունների կենտրոնի տնօրեն Հասան Օքթայը Երևանում հանդիպումներ են ունեցել` գրասենյակի բացման թույլտվություն ստանալու և Հյուսիսային պողոտայում գրասենյակի տարածք վարձակալելու համար: Նրանք հանդիպում ունեցան նաև Անկախի աշխատակազմի ներկայացուցիչների հետ: Նրանք փորձում էին հասկանալ, թե ինչպիսի արձագանք կառաջացնի Հայաստանում թուրքական լրատվական գործակալության գրասենյակի բացումը»,- տեղեկացնում է «Անկախը»:
Թուրք պրոֆեսոր Հասան Օքթայը երևանյան հանդիպումների մասին ֆեյսբուքյան իր էջում գրառումներ է կատարել ու լուսնկարներ
է հրապարակել: Իր գրառումներում նա Երևանն անվանում է Ռեվան (Revan): Ուշագրավ են հատկապես այն լուսանկարները, որոնցից ակնհայտ է դառնում, որ Օքթայը և իրեն ընկերակցող թուրքերը «Գորշ գայլեր» կազմակերպության անդամ են կամ գոնե համակիր, քանի որ նրանք լուսանկարվելիս ցուցադրում են «Գորշ գայլեր»-ի սիմվոլիկան արտահայտող ձեռքի հատուկ նշանը:
Նշենք, որ «Գորշ գայլեր» (Bozkurt) թուրքական ծայրահեղական կազմակերպությունը համարվում է ահաբեկչական, որի հիմնական թիրախը մշտապես եղել են Թուրքիայում գտնվող ազգային փոքրամասնությունները՝ մասնավորապես հայերը: Արցախյան պատերազմի տարիներին բազմաթիվ «գորշ գայլեր» համալրել են ադրբեջանական զինուժը:
«Գորշ գայլեր»-ի քաղաքական թևը Թուրքիայի խորհրդարանում երրորդ տեղով ներկայացված ընդդիմադիր «Ազգայնական շարժում» կուսակցությունն է: «Գորշ գայլեր»-ն ունեն իրենց սիմվոլիկան արտահայտող ձեռքի հատուկ նշան, որն ունի հետևյալ նշանակությունը:
Ճկույթը թրքության խորհրդանիշն է, իսկ ցուցամատը` իսլամի: Այս երկու մատներն ազատ են, մյուս երեք մատները՝ մատնեմատը, միջնամատը և բթամատը, որ միացած են իրար, կնիք են խորհրդանշում, այսինքն` թրքության և իսլամի կնիքը աշխարհի վրա:
Հավելենք, որ գայլը թուրքերի տոտեմն է, նրանց պաշտամունքի առարկան: Ըստ նրանց՝ թուրքերի պապերին Հեռավոր Արևելքից մինչև Փոքր Ասիա ընկած ճանապարհին առաջնորդում էին գորշ գայլերը:
Ermenihaber.am
Այս ենթաբաժնի վերջին նորությունները
Վերագնումի (ռեպո) պայմանագրի հիման վաճառվում են պարտատոմսեր՝ որոշ ժամանակ անց դրանք ավելի բարձր գնով հետ գնելու պայմանավորվածությամբ:
Մինչ Բորսայում Ստամբուլի ակտիվ ներդրողների թիվը կազմում է ընդամենը 5.6 միլիոն, կրիպտո ակտիվ օգտագործողների թիվը անցնում է 10 մլն-ը:
Համաձայնագիրը վերաբերվում է ազգային վարորդական վկայականների փոխադարձ ճանաչմանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս մասին հայտնում է թուրքական մերձիշխանական «Turkiye» թերթի կայքը։
Ստամբուլի նախկին քաղաքապետը նախագահական ընտրություններում ձայների 12 տոկոսի առավելությամբ կարող էր հաղթել Թուրքիայի ներկայիս ղեկավարին:
Ինչպես հայտնում են Թուրքիայի ՊՆ-ի աղբյուրները, խնդրանքը վերաբերում է ռազմական կարողունակությունների բարձրացմանը:
Հրեա մասնագետը նշել է, որ թուրքական հրթիռի նախորդ տարբերակը սպառնալիք էր Հունաստանի և Հայաստանի համար, իսկ այժմ՝ այն սպառնալիք է ողջ տարածաշրջանի համար։
Թուրքիան պարտավորվել է չօգտագործել այդ ռազմական ինքնաթիռները ՆԱՏՕ-ի դաշինքի մեկ այլ անդամ դեմ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |