Թուրքիայում հրահանգվել, բայց չի կատարվել կաշառակերության գործով 2-րդ օպերացիան

Իրավական13:54, 16 Հունվար 2014

Թուրքիայում հրահանգվել, բայց չի կատարվել կաշառակերության գործով 2-րդ օպերացիան

Թուրքիայում կաշառակերության գործով նոր դատախազական նոր օպերացիա է նախապատրաստվել, որը, սակայն, չի իրականացվել ոստիկանական ուժերի կողմից: Թուրքական «Միլլիյեթ» թերթը տեղեկացնում է, որ դատախազները ոստիկաններին համապատասխան օպերացիայի հրահանգ են տվել, բայց Ստամբուլի ոստիկանությունը չի իրագործել այն`դիտելով այն հակաօրինական:

Պետական պաշտոնյաների գործերը քննող դատախազ Իբրահիմ Բայթեքինը նախօրեին հրահանգել է կաշառակերության գործով հերթական օպերացիան իրականացնել: Բայց քանի որ հրահանգը չի կատարվել, այդ մասին գրավոր իրազեկվել է Ստամբուլի գլխավոր դատախազությունը: Քաղաքի ոստիկանությունն էլ իր հերթին հայց է ներկայացրել դատարան տրված հրահանգը հակաօրինական ճանաչելու պահանջով:

Նշվում է, որ նախկինում ևս նման դեպք տեղի է ունեցել, երբ Ստամբուլի ոստիկանությունը հրաժարվել է կատարել ձերբակալությունների վերաբերյալ դատախազ Մուամմեր Աքսարի տված հրահանգներն ու դատարանի կայացրած որոշումները:

Հիշեցնենք, որ 2013-ի դեկտեմբերի 17-ին Անկարայում և Ստամբուլում իրականացվել էր «Մեծ կաշառակերություն» անվամբ ոստիկանական խոշոր օպերացիան, որի հետևանքով երկրում ծագել է կոռուպցիոն սկանդալ ու ներկառավարական ճգնաժամ:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։