Օջալան. «Ես ողջունում եմ հայ ժողովրդի արժանի զավակ Հրանտ Դինքի պայքարը»

Տարածաշրջան11:22, 13 Հունվար 2014

Օջալան. «Ես ողջունում եմ հայ ժողովրդի արժանի զավակ Հրանտ Դինքի պայքարը»

«Քուրդիստանի բանվորական» կուսակցության առաջնորդ Աբդուլլահ Օջալանը հունվարի 11-ին հանդիպել է քրդական «Խաղաղություն և ժողովրդավարություն» (BDP-ԽԺԿ) և «Ժողովուրդների դեմոկրատական» (HDP-ԺԴԿ) կուսակցությունների ներկայացուցիչներից բաղկացած պատվիրակության հետ:

Թուրքական «Զաման» թերթը հայտնում է, որ հանդիպման ժամանակ Օջալանն ուղերձ է հղել նաև Թուրքիայի հայ քաղաքացիներին: «Ես հարգում եմ հայ ժողովրդի արժանի զավակ Հրանտ Դինքի հիշատակը և ողջունում նրա պայքարը»,- ասել է քրդերի առաջնորդը:
Օջալանը նշել է, որ նպատակ ունի առանձին ընդարձակ նամակով դիմել հայ քաղաքացիներին՝ հույս հայտնելով, որ դա կկարողանա անել Դինքի մահվան օրը՝ հունվարի 19-ին:

Տեղեկացնենք, որ Աբդուլլահ Օջալանը, ով «Քուրդիստանի բանվորական կուսակցության» ղեկավարն է և համարվում է քրդերի առաջնորդը, 1999 թվականից ցմահ պատիժ է կրում թուրքական Իմրալի կղզու բանտում: 2013 թվականից Թուրքիայի իշխանությունները Օջալանի հետ միասին քրդական հարցի լուծման գործընթաց են սկսել, որի շուրջ բանակցությունները վարում են քրդական «Խաղաղություն և ժողովրդավարություն» կուսակցության ներկայացուցիչները:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։