Թուրքիան փոխում է սիրիական հարցում որդեգրած քաղաքականությունը

Տարածաշրջան12:13, 10 Հունվար 2014

Թուրքիան փոխում է սիրիական հարցում որդեգրած քաղաքականությունը

Թուրքիայի իշխանությունները, որոնք շարունակ քննադատում էին Սիրիայի նախագահ Բաշար Ասադին, կոչ անում հնարավորինս շուտ հրաժարվել պաշտոնից, անվանում էին նրան «մարդասպան», մեղադրում քիմիական զենք օգտագործելու մեջ, այժմ, կարծես, փոխել են կարծիքը և ավելի մեղմ քաղաքականություն են որդեգրել:

Թուրքական «Ջումհուրիյեթ» թերթը հայտնում է, որ Թուրքիայի արտաքին գործերի նախարար Ահմեթ Դավութօղլուn սիրիական հարցի վերաբերյալ ուշագրավ հայտարարություն է արել, ինչն էլ օրակարգ է բերել շատ կարևոր հարց. «Արդյո՞ք Թուրքիան փոխում է Սիրիայի նկատմամբ իր արտաքին քաղաքականությունը»:

Հայտարարության մեջ Դավութօղլուն ընդգծել է, որ Բաշար Ասադի իշխանությունը լավագույնն է վատերի մեջ, իսկ Սիրիայում գտնվող օտար զինված խմբերը, այդ թվում Հզբոլլահը և Ալ-Քաիդան պետք է դուրս գան երկրից: Ըստ արտգործնախարարի՝ բոլոր այդ ուժերը գործոններ են, որոնք Թուրքիայի համար անվտանգության ռիսկ են ստեղծում:
« Կարծեք թե Թուրքիայի վրա հոգեբանական ճնշում է գործադրվում, և տպավորություն է ստեղծվում, թե Թուրքիան աջակցում է զինյալ խմբերին», - ասել է Դավութօղլուն:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։