Odatv. Էրդողանի որդին փախել է Թուրքիայից, որպեսզի չկալանավորվի

Տարածաշրջան14:00, 26 Դեկտեմբեր 2013

Odatv. Էրդողանի որդին փախել է Թուրքիայից, որպեսզի չկալանավորվի

Դեկտեմբերի 17-ին Անկարայում և Ստամբուլում իրականացված հակակոռուպցիոն խոշոր օպերացիայի ժամանակվանից Թուրքիայի վարչապետ Ռեջեփ Թայիփ Էրդողանի որդին` Բիլալ Էրդողանը, հանրության մեջ չի երևում: Խոսակցություններ կան, որ նա փախուստի է դիմել, որպեսզի իրեն էլ չկալանավորեն, ինչպես նախարարների որդիներին:

Ըստ թուրքական «Օդա թիվի» լրատվական կայքի` այդ մասին իրեն հայտնել է իշխող «Արդարություն և զարգացում կուսակցության» պատգամավորներից մեկը, որի անունը, սակայն չի նշվել: Փաստորեն վերահաս օպերացիայի մասին կանխավ իմանալով` վարչապետ Էրդողանը իր որդուն ուղարկել է արտերկիր: Լրատվամիջոցը նշում է նաև, որ տեղեկությունը ճշտելու համար զանգահարել են Էրդողանի ընտանիքի երկու փաստաբաններին, բայց վերջիններս պատասխան ու պարզաբանում չեն տվել:

Հիշեցնենք, որ Պակիստանից վերադառնալիս վարչապետ Էրդողանը ինքնաթիռում զրուցել էր «Սաբահ» թերթի թղթակցի հետ և վերջինիս ասել, որ իր որդու անունը արատավորելու միջոցով փորձում են հարված հասցնել իրեն:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։