Թուրքիայում երկու նախարար հրաժարական է տվել

Տարածաշրջան08:33, 25 Դեկտեմբեր 2013

Թուրքիայում երկու նախարար հրաժարական է տվել

Թուրքիայում կոռուպցիոն սկանդալի պատճառով հրաժարական են տվել երկրի էկոնոմիկայի նախարար Զաֆեր Չաղլայանը և Ներքին գործերի նախարար Մուամեր Գյուլերը:
Զաֆեր Չաղլայանն իր հրաժարականի մասին գրավոր հայտարարության մեջ նշել է, որ դեկտեմբերի 17-ին իրականացված օպերացիան ուղղված է կառավարության, իշխող «Արդարություն և զարգացում» կուսակցության և երկրի դեմ: «Այս կեղտոտ խաղը, որի մեջ ներառել են իմ գործընկերներին և իմ որդուն, խափանելու և իրականության բացահայտմանը աջակցելու համար Էկոնոմիկայի նախարարի պաշտոնից հրաժարվում եմ»,- ասվում է հայտարարության մեջ:

Ներքին գործերի նախարար Մուամեր Գյուլերը նույնպես հայտարարություն էր տարածել, որում ասվում է, որ վարչապետ Էրդողանին հրաժարականի դիմում է ներկայացրել:

Հիշեցնենք, որ դեկտեմբերի 17-ին Ստամբուլում և Անկարայում ոստիկանության կողմից հակակոռուպցիոն խոշոր օպերացիա էր իրականացվել: Օպերացիայի ժամանակ ձերբակալվել էին նախարարների ու գործարարների որդիներ: Ավելի քան 5 տասնյակ ձերբակալվածների թվում էին եղել Թուրքիայի ներքին գործերի նախարար Մուամմեր Գյուլերի, Էկոնոմիկայի նախարար Զաֆեր Չաղլայանի ու քաղաքաշինության նախարար Էրդողան Բայրաքթարի որդիները:

Թուրքիայում իշխող «Արդարություն և զարգացում» կուսակցության մամուլի խոսնակ Հուսեյին Չելիքը հայտնել էր, որ Թուրքիայի կառավարության կազմում փոփոխություններ կարող են տեղի ունենալ շաբաթվա վերջում:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։