Թուրքիայի նախագահն անդրադարձել է կոռուպցիոն սկանդալին

Տարածաշրջան13:59, 24 Դեկտեմբեր 2013

Թուրքիայի նախագահն անդրադարձել է կոռուպցիոն սկանդալին

Թուրքիայի նախագահ Աբդուլլահ Գյուլն առաջին անգամ խոսել է Թուրքիայում մեծ աղմուկ հանած ձերբակալությունների մասին: Գյուլը, անդրադառնալով կաշառքի և ապօրինության մեղադրանքով ձերբակալության օպերացիային, որի շրջանակներում ձերբակալվել էին 3 նախարարների որդիներ և բազմաթիվ պաշտոնատար անձիք, մասնավորապես ասել է. «Թուրքիայում վերջին 10 տարիներին իրավական և քաղաքական ոլորտում արմատական բարեփոխումներ են իրականացվել: Այդ բարեփոխումների ոլորտտում թափանցիկություն է ապահովվել: Այդպիսի փոփոխություններ իրականացված երկրում , եթե ապօրինություն կամ սխալ էլ լինի, հնարավոր չէ ծածկել: Դա լավ իմացեք: Սա արդեն 15 տարի առաջվա Թուրքիան չէ: Բոլորը պետք է հանգիստ լինեն:

Շատ քննարկվող ապօրինության հարցն արդեն դատարան է տեղափոխվել: Թուրքաիայում դատարանը և անկախ է, և անկողմնակալ: Գործի մանրակրկիտ քննությունից հետո դատարանն այդ պնդումների վերաբերյալ որոշում կընդունի: Համոզված եղեք, որ դատարանը դա կանի հավուր պատշաճի»:

Պատասխանելով հարցին, թե արդյոք պաշտոնանկ կարվեն այն նախարարները, ում որդիների անունները խառն է այս պատմության մեջ՝ Գյուլն ասել է. «Նախարարների հետ կապված վարչապետի հետ հանգամանալից զրույց եմ ունեցել: Այդ հարցում նա մտահոգություններ ունի: Ես էլ իմ մտահոգություններն եմ նրան փոխանցել: Էրդողանի՝ Պակիստանից վերադառնալուց հետո հանդիպելու ենք: Այն ժամանակ էլ կստանաք ձեր հարցի ստույգ պատասխանը»:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։