Թուրք պատգամավոր. «էրդողանը սխալը սխալի հետևից է գործում»

Տարածաշրջան10:17, 24 Դեկտեմբեր 2013

Թուրք պատգամավոր. «էրդողանը սխալը սխալի հետևից է գործում»

Թուրքիայի ազգային մեծ ժողովի «Ժողովրդահանրապետական» կուսակցության պատգամավոր Էմինե Ուլքեր Թարհանը անդրադարձել է սկանդալային հակակոռուպցիոն օպերացիային:

Թուրքիական «Հաբեր ա» լրատվական կայքը հայտնում է, որ ընդդիմադիր պատգամավորն իր խոսքում նշել է, որ վարչապետ Էրդողանն այդ սկանդալից հետո այնքան է վախեցած ու անհնագստացած, որ սխալներ է թույլ տալիս իրար հետևից:

Թարհանը համոզմունք է հայտնել, որ կատարվածը 11-ամյա (Էրդողանի կառավարման ժամանակահատված-խմբ.) սառցաբեկորի միայն վերևի մասն է և դեռ շարունակություն է ունենալու:

«Հիմա բոլորն էլ վախեցած են, որովհետև հանցանք են գործել: Փտախտը համատարած բնույթ է կրում: Հնարավոր է հասնել ցանցի բուրգի գլխին կանգնած համար առաջինին, և պետք է այս կողոպտիչների կազմակերպությունը ծնկի բերել և սեփական ադարադատության համաձայն դատել»,- ասել է Թարհանը:

Հիշեցնենք, որ դեկտեմբերի 17-ին Ստամբուլում և Անկարայում ոստիկանության կողմից հակակոռուպցիոն խոշոր օպերացիա է իրականացվել: Օպերացիայի ժամանակ ձերբակալվել էին նախարարների ու գործարարների որդիներ: Ավելի քան 5 տասնյակ ձերբակալվածների թվում են եղել Թուրքիայի ներքին գործերի նախարար Մուամմեր Գյուլերի, Էկոնոմիկայի նախարար Զաֆեր Չազլայանի ու քաղաքաշինության նախարար Էրդողան Բայրաքթարի որդիները:

Թուրքիայում իշխող «Արդարություն և զարգացում» կուսակցության մամուլի խոսնակ Հուսեյին Չելիքը հայտնել է, որ Թուրքիայի կառավարության կազմում փոփոխություններ կարող են տեղի ունենալ շաբաթվա վերջում:

Ermenihaber.am