Թուրքական թերթերը ԱՄՆ դեսպանին` վեր կաց, գնա այս երկրից

Տարածաշրջան08:29, 21 Դեկտեմբեր 2013

Թուրքական թերթերը ԱՄՆ դեսպանին` վեր կաց, գնա այս երկրից

Թուրքիայում ԱՄՆ դեսպան Ֆրենսիս Ռիկարդոնեն հայտնվել է թուրքական «Սթար», «Յենի Շափաք» և «Աքշամ» օրաթերթերի կոշտ քննադատությունների թիրախում: «Վեր կաց, գնա այս երկրից»,-պահանջում են թուրքական թերթերը ԱՄՆ դեսպանից: Խոսվում է այն մասին, որ Ռիկարդոնեն հնարավոր է շուտով անցանկալի անձ հայտարարվի Թուրքիայի համար:

Պատճառն այն է, որ դեկտեմբերի 17-ի հակակոռուպցիոն խոշոր ոստիկանական օպերացիայից հետո, Ռիկարդոնեն ԵՄ ներկայացուցիչների հետ հանդիպման ժամանակ ասել էր. «Մենք ցանկացել էինք, որ «Halkbank»-ը խզի կապերն Իրանի հետ: Չլսեցին: Հիմա դուք տեսնում եք կայսրության փլուզումը»:

Հիշեցնենք, որ նշյալ բանկն առանցքային նշանակություն ունի Իրանի և Իրաքի հետ Թուրքիայի հարաբերություններում: Իսկ հատուկ օպերացիայի արդյունքում Թուրքիայի ոստիկանությունը 4.5 մլն դոլար էր հայտնաբերել Halkbank-ի գլխավոր տնօրեն Սուլեյման Ասլանի տանը:

Նշվում է նաև այն մասին, որ Թուրքիա է մեկնել ԱՄՆ բարձրաստիճան ներկայացուցիչ Դեյվիդ Քոհենը, հանդիպումներ ունեցել Թուրքիայի բանկերի ղեկավարների հետ և Իրանի թեմայով նախազգուշացումներ արել:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։