Հայ զինվորի սպանության գործով թուրք վկան խոստովանել է, որ իր վրա ճնշումներ են գործադրվել

Իրավական07:59, 20 Դեկտեմբեր 2013

Հայ զինվորի սպանության գործով թուրք վկան խոստովանել է, որ իր վրա ճնշումներ են գործադրվել

Թուրքիայի Բաթման նահանգի Քոզլուք շրջանում տեղակայված ժանդարմերիայի զորամասում 2011 թվականին ապրիլի 24-ին սպանված ազգությամբ հայ ժամկետային զինծառայող Սևակ Բալըքչըի սպանության գործով վկա Հալիլ Էքշիի և սպանության կասկածյալի մերձավորներից Բյուլենթ Քայայի նկատմամբ դատական գործ է հարուցվել՝ սուտ վկայության մեղադրանքով:

Այդընի առաջին ատյանի քրեական դատարանում դեկտեմեբերի 16-ին տեղի ունեցած դատական գործի առաջին նիստի ժամանակ Սևակ Բալըքչըի սպանության վկա Հալիլ Էքշին հայտնել է, որ կասկածյալի մերձավոր Բյուենթ Քայայի ճնշման տակ փոխել է նախնական ցուցմունքները: «Զինվորական ծառայության ժամանակ իմ տված ցուցումունքներում վտանգավոր կետեր կային, որոնք նրանց օգտին չէին, ես պետք է փոխեի ցուցմունքներս»,-Էքշիի խոսքերը մեջբերում է թուրքական «t24» լրատվական կայքը:

Հիշեցնենք , որ Սևակի սպանության գործով վկա անցնող շարքային Հալիլ Էքշին իր առաջին ցուցմունքում նկարագրել էր սպանության պահը, երբ կսկածյալ Քըվանչ Աղաօղլուն, որը դատարանի վճռով դատապարտվել էր 4 տարի 5 ամիս 10 օր ազատազրկման, ուսից իջեցրել էր զենքը, լիցքավորել և փողն ուղղել 1-2 մետր հեռավորության վրա կանգնած Սևակի վրա: Երկրորդ ցուցմունքի ժամանակ սպանության այդ տեսարանի նկարագրությունը նա հերքել էր` պնդելով թե չի տեսել ինչպես է տեղի ունեցել սպանությունը:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։