Օլանդը Հայոց ցեղասպանության ժխտումը դատապարտող օրենքի մասին կհայտարարի 2014թ. մայիսին

Հասարակական07:29, 18 Դեկտեմբեր 2013

Օլանդը Հայոց ցեղասպանության ժխտումը դատապարտող օրենքի մասին կհայտարարի 2014թ. մայիսին

Ֆրանսիայում Հայոց ցեղասպանութան ժխտումը դատապարտող օրենքի նախագիծը նորից հայտնվել է օրակարգում:

Թուրքական «Սաբահ» թերթը հայտնում է, որ Ֆրանսիայի նախագահ Ֆրանսուա Օլանդը 2014 թվականի մայիսին Հայաստան կատարելիք այցից առաջ կհայտարարի նոր օրենքի մասին:

Ֆրանսիայի կառավարությունը նախագահի 2014 թվականի հունվարի 27-28-ին Թուրքիա նախատեսվող այցից առաջ խուսափում է պաշտոնապես հայտարարել նոր օրենքի մասին:

Ըստ թուրքական թերթի՝ օրեր առաջ Օլանդը Ելիսեյան պալատում ընդունել էր Ֆրանսիայի հայկական կազմակերպությունների համակարգող խորհրդի անդամներին, որոնք էլ հաստատել էին, որ ցեղասպանության ժխտումը դատապարտող օրենքի մասին կհայտարարվի մայիսին:

Հիշեցնենք, որ 2012-ի հունվարին Ֆրանսիայի խորհրդարանն ընդունեց ցեղասպանությունների` այդ թվում Հայոց ցեղասպանության հերքումը քրեականացնող օրինագիծ, որը նախատեսում էր ազատազրկում և տուգանք` 45 հազար եվրոյի չափով: Սակայն երկրի Սահմանադրական խորհուրդը այն հակասահամանադրական ճանաչեց:

Ermenihaber.am