Թուրքիայի բանակի վերակազմավորման նոր նախագիծ

Տարածաշրջան09:03, 16 Դեկտեմբեր 2013

Թուրքիայի բանակի վերակազմավորման նոր նախագիծ

Թուրքիայի զինված ուժերն ամբողջությամբ փոփոխության կենթարկվեն և այդ ուղղությամբ համապատասխան նախագծի աշխատանքները սկսվել են: Նախատեսվում է, որ զինուժի բարեփոխման աշխատանքները կավարտվեն 2033 թվականին: Այս մասին հայտնում է թուրքական «Վաթան» պարբերականը՝ հղում կատարելով բարձրաստիճան զինվորական աղբյուրներին:
Նոր նախագծով բանակի կառույցներում փոփոխություններ տեղի կունենան. 1-ին, 2-րդ, 3-րդ և Էգեյան զորամիավորումները կվերակազմավորվեն: Միջերկրական ծովի արևելյան շրջաններում նավատորմը կուժեղացվի:

Ըստ թերթի՝ ամենակարևոր փոփոխություններից է նաև զինվորական անձնակազմին մասին օրենքը, որը նախատեսվում է ընդունել առաջիկա ամիսներին: Ըստ այդ օրենքի՝ գեներալները և ծովակալները համապատասխան կոչումները ստանալու համար կսպասեն ոչ թե 4, այլ 3 տարի, իսկ գնդապետները՝ 5-ի փոխարեն կասպասեն 4 տարի:

Այս կերպ լուծում կտրվի «Բալյոզ» («Մեծ Մուրճ»-խմբ.) և Էրգենեքոնի դատական գործերի ժամանակ բազմաթիվ զինվորականների ձերբակալման պատճառով առաջացած հրամանատարության կադրային խնդիրներին:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: