Տարածաշրջան09:01, 14 Դեկտեմբեր 2013
Milliyet. Դավութօղլու-Նալբանդյան հանդիպման համեստ նպատակը և փոքրիկ քայլը
Թուրքիայի արտգործնախարար Ահմեթ Դավութօղլուի երևանյան այցը
տարբեր մեկնաբանությունների ու վերլուծությունների առիթ և թեմա հանդիսացավ հարևան
Թուրքիայում: Հեղինակավոր «Միլլիյեթ» օրաթերթի վերլուծաբան Սամի Քոհենը նկատել է
տալիս, որ Թուրքիայի և ՀՀ արտգործնախարարի հանդիպումը մի շատ համեստ նպատակ ուներ.
հալեցնել 4 տարի շարունակ հարաբերություններում եղած սառույցը և սկսել
երկխոսության գործընթաց: Հանդիպումից հետո թուրք լրագրողներին մամուլի ասուլիս
տված Դավութօղլուն նշել էր, որ, բնականաբար, բոլոր հարցերը միանգամից չեն լուծվի,
բայց առանց հանդիպումների ու երկխոսության էլ առահասարակ որևէ հարց չի լուծվի: Այս
մտքի հետ համակարծիք հոդվածագիրը, այնուամենայնիվ, դրական զարգացում է համարում
այն, որ հանդիպումը տեղի է ունեցել Երևանում:
Համառոտ հիշեցնելով Ցյուրիխում 2009-ին ստորագրված հայ-թուրքական հարաբերությունների կարգավորման արձանագրությունների պատմությունը` Քոհենը հստակ շարադրում է եղելությունն այն մասին, որ Ադրբեջանի կոշտ արձագանքի պատճառով թուրքական կառավարությունը որպես պայման դրեց Ղարաբաղի հարցը, ի պատասխան Հայաստանն էլ միառժամանակ առկախեց արձանագրությունների վավերացման հարցը:
«Դրությունը և այդ օրը, և այսօր ըստ էության նույնն է մնացել. Դրանից օգուտ չի եղել ոչ Թուրքիային, ոչ Հայաստանին, ոչ էլ Ադրբեջանին: Այս հարցում Անկարային գործողության մղող պատճառը այս դրության շարունակականության հետ կապված անհանգստությունն է»,- նշում է Քոհենը և ընդգծում, որ Երևանի հետ հարաբերութունների կարգավորումը կուժեղացնի Թուրքիայի ձեռքերը, կկանխի 2015-ին Հայոց ցեղասպանության 100-ամյա տարելիցի կապակցությամբ սպասվելիք արշավների թափը: Բայց քանի որ Թուրքիան շարունակում է արժևորել Ադրբեջանին, որի համար Ղարաբաղը օրակարգային է, այդ իսկ պատճառով հնարավոր չէ, որ Անկարան Հայաստանի հետ հարաբերությունների կարգավորման համար հրաժարվի վերոնշյալ նախապայմանից:
Թուրք վերլուծաբանը անդրադառնում է այն լուրերին, թե իբր Հայաստանը Ղարաբաղի 7 շրջաններից 2-ը պետք է հանձներ Ադրբեջանին, Անկարան դա դիտեր որպես գործըթնացի առաջխաղացում, բացեր սահմանը և արդյուքնում կկարգավորվեին հայ-թուրքական հարաբերությունները:
«Այս պահին այդ իրողությունից բավականին հեռու ենք,-գրում է Քոհենը: - Անկարայի դիրքորոշման մեջ փոփոխություն չկա: Ինչպես երևում է Երևանի «առանց նախապայմանների» դիրքորոշման մեջ էլ փոփոխություն չկա: Ուստի Դավութօղլու-Նալբանդյան հանդիպումը ցյուրիխյան արձնագրությունների կյանքի կոչման առումով որևէ շոշափելի արդյունք չտվեց: Բայց «սրտաբաց երկխոսության» համար ճամփա բացեց: Փոքրիկ քայլ է, բայց չեղածից լավ է»:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրապարակվել է հոդված Հայաստանի տեխնոլոգիական ոլորտի զարգացման մասին։
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |