ԵՄ-ն քննադատել է Թուրքիային` «Թարաֆ» թերթին դատի տալու համար

Իրավական08:47, 11 Դեկտեմբեր 2013

ԵՄ-ն քննադատել է Թուրքիային` «Թարաֆ» թերթին դատի տալու համար

ԵՄ-ն քննադատել է Թուրքիային ընդդիմադիր «Թարաֆ» թերթին դատի տալու համար ` հիշեցնելով մամուլի և խոսքի ազատության մասին: Քննադատության մեջ մասնավորապես ասվում է, որ այդ ազատությունները միայն դատարանի կողմից օրենքին համապատասխան ձևով կարող են սահմանափակվել:

Բրյուսելը կոչ է արել Թուրքիային հավատարիմ մնալ «Մամուլի և խոսքի ազատությունը մարդու իրավունքների կոնվենցիայի» 10-րդ հոդվածին: ԵՄ հանձնաժողովի ընդլայման և եվրոպական հարևանության քաղաքականության հարցերով հանձնակատար Շտեֆան Ֆյուլեն, «Ջիհան» լրատվական գործակալության հետ զրույցում ասել է, որ Թուրքիայում մեդիա դաշտում վերջին ժամանակներս գրաքննությունը աճել:

Հիշեցնենք, որ Թուրքիայի կառավարությունը, Ազգային անվտանգության խորհուրդը (ԱԱԽ) և Ազգային հետախուզական ծառայությունն ընդդիմադիր հրապարակումներով աչքի ընկնող թուրքական «Թարաֆ» թերթի դեմ առանձին-առանձին հայցեր են ներկայացրել Անկարայի հանրապետական դատախազություն:

Պատճառը վերջին օրերին «Թարաֆ» թերթում հրապարակված լրագրող Մեհմեթ Բարանսուի ստորագրությամբ լուրերն են եղել:

Անկարայի դատախազությունն ընդունել է ներկայացված երեք հայցերը և ուղարկել Ստամբուլի դատախազության վարույթ:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։