«Առավոտ»-ի ճանապարհային քարտեզը և թուրքական մամուլի պասիվ կեցվածքը

Տարածաշրջան11:08, 11 Դեկտեմբեր 2013

«Առավոտ»-ի ճանապարհային քարտեզը և թուրքական մամուլի պասիվ կեցվածքը

«Առավոտ» օրաթերթում դեկտմբերի 10-ին հրապարակված հայ-թուրքական հարաբերությունների կարգավորման վերաբերյալ Երևան նոր ճանապարհային քարտեզի մասին լուրի նկատմամբ թուրքական լրատվամիջոցները հիմնականում դրսևորում են պասիվ կեցվածք: Ակնհայտ պասիվության ֆոնը դեռ շարունակվում է: Բացառություն են կազմում մի քանի լրատվական կայքեր (Վաթան, Ռադիքալ, Ռասթհաբեր, Ուլուսալ Հաբեր), որոնք լուսաբանել են թեման` հրապարակելով նշյալ ճանապարհային քարտեզի բովանդակությունը և զերծ մնալով տեսակետ, դիրքորոշում կամ գնահատական հնչեցնելուց:

Երեք օր է արդեն, ինչ թուրքական լրատվամիջոնցների ուշադրության կենտրոնում շարունակում է մնալ ՀՀ արտգործնախարարի տեղակալ Շավարշ Քոչարյանի «armenpress.am» գործակալությանը տված հարցազրույցը: Քոչարյանը Թուրքիայի արտգործնախարարին խորհուրդ էր տվել սադրիչ հայտարարությունների փոխարեն Երևան այցելելիս գնալ Հայոց ցեղասպանության հուշահամալիր և մեկ րոպե լռությամբ հարգել ցեղասպանության զոհերի հիշատակը:

Ինչպես ավելի վաղ տեղեկացրել էինք, որ «Առավոտ» թերթը վկայակոչելով ՀՀ ԱԳՆ-ի իր աղբյուրը պնդում է, որ Հայաստանը մշակել է հայ-թուրքական հարաբերությունների կարգավորման նոր ճանապարհային քարտեզ, որը փակ խողովակներով 10 օր առաջ փոխանցվել է անձամբ Ահմեթ Դավութօղլուին ու երևանյան այցի ժամանակ վերջինս պետք է հայտնի թուրքական կողմի դիրքորոշումն այդ կապակցությամբ:

Հիշեցնենք, որ վերոնշյալ ճանապարհային քարտեզը, «Առավոտ»-ի պնդմամբ, առանցքային երեք կետ է բովանդակում:

1. Թուրքիան հրապարակավ ընդունում է Հայոց ցեղասպանության փաստը, իր պատասխանատվությունը և ապաշխարում աշխարհասփյուռ հայության առջև:

2. Անհապաղ բացում է Հայաստան-Թուրքիա սահմանը և դիվանագիտական հարաբերություններ հաստատում Հայաստանի հետ:

3. ԼՂՀ հիմնախնդրի կարգավորման հարցում Թուրքիան կարողանում է հանդես գալ խաղաղարար ջանքերով և իրավունք է ստանում հասարակական ծրագրեր իրականացնել պատերազմի հռետորության վերահսկման, սահմանային միջադեպերի կանխման, դիպուկահարների հետ քաշման և հասարակություններին խաղաղության պատրաստման ոլորտներում:

Ավելի ուշ ՀՀ արտգործնախարարության մամուլի խոսնակ Տիգրան Բալայանը «Civilnet»-ի հետ զրույցում հերքել էր այդ տեղեկությունը:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։