Թուրքական լրատվամիջոցները Շավարշ Քոչարյանի հայտարարության մասին

Տարածաշրջան07:06, 10 Դեկտեմբեր 2013

Թուրքական լրատվամիջոցները Շավարշ Քոչարյանի հայտարարության մասին

Հայաստանի արտաքին գործերի նախարարի տեղակալ Շավարշ Քոչարյանի խոսքերը մեծ արձագանք են գտել թուրքական լրատվամիջոցներում:

«Թուրքիայի արտգործնախարար Ահմեթ Դավութօղլուն ևս մեկ քայլ է կատարելու հայ-թուրքական հարաբերությունների հաստատման գործընթացը արագացնելու ուղղությամբ, որտեղ երկար ժամանակ է ինչ որևէ զարգացում չկա: Դավութօղլուն «Սևծովյան տնտեսական համագործակցություն» կազմակերպության նիստին մասնակցելու որոշման մասին հայնտնելուն պես Երևանը թուրք-հայկական հարաբերությունների առնչությամբ շատ կոշտ հայտարարությամբ հանդես եկավ»,- գրում է թուրքական «Մեդյա 365» լրատվական կայքը «Հայաստանը չափն անցավ» վերնագրով նյութում:

Թուրքական «Զաման» պարբերականը նույնպես ՀՀ արտգործնախարարի տեղակալի հայտարարությունը կոշտ է որակել: Իսկ «ԹայԹուրք»-ը եղելությունը բնութագրել է որպես «Հայերի կողմից արված շոկային առաջարկ Դավութօղլուին»

Նշենք, որ Շավարշ Քոչարյանը, մասնավորապես, ասել էր. «Սևծովյան տնտեսական համագործակցության կազմակերպության նիստին մասնակցելու նպատակով Երևան այցելելուց առաջ Թուրքիայի արտգործնախարարը տարածաշրջանում հնարավոր դրական զարգացումներին միայն վնաս հասցնող, սադրիչ հայտարարությունների փոխարեն ճիշտ կանի` օգտագործի պատեհ առիթը և Երևանում այցելի Հայոց ցեղասպանության հուշահամալիր` լռությամբ հարգանքի տուրք մատուցելու ցեղասպանության զոհերի հիշատակին:

Թուրքիան կարող է նպաստել Հայաստանի հետ հարաբերությունների կարգավորմանը` առանց որևէ նախապայմանի վավերացնելով և կյանքի կոչելով 2009թ. Ցյուրիխում ստորագրված հայ-թուրքական արձանագրությունները:

Եթե Թուրքիան ձգտում է էլ ավելի արագացնել տարածաշրջանի երկրների միջև քաղաքակիրթ հարաբերությունների հաստատման գործընթացը, ապա պետք է ճանաչի Օսմանյան կայսրության կողմից իրականացված Հայոց ցեղասպանությունը և բացի իր կողմից փակված հայ-թուրքական սահմանը»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: