Էրդողանի դեմ դատական հայց է ներկայացվել

Տարածաշրջան17:41, 10 Դեկտեմբեր 2013

Էրդողանի դեմ դատական հայց է ներկայացվել

Թուրքական Թարաֆ թերթի լրագրող Մեհմեթ Բարանսուն վարչապետ Էրդողանի դեմ հայց է ներկայացրել դատարան` մեղադրելով վերջինիս «արդար դատավարությանը խանգարելու, զրպարտության և վիրավորանքի մեջ»:

Դատական հայցում նշվում է, որ Էրդողանը 2013 թվականի դեկտեմբերի 7-ին Թուրքիայի Թեքիրդաղի շրջանում կազմակերպված հանրային միջոցառմանը ունեցած ելույթում «Թարաֆ» թերթի «Գյուլենին վերջ դնելու որոշումը ընդունվել է 2004 թվականին ԱԱԽ նիստում» հոդվածի հեղինակ Մեհմեթ Բարանսուին մեղադրել է պետական դավաճանության մեջ, զրպարտել և վիրավորանքներ հնչեցրել նրա հասցեին:

Հայցում մեջբերում է Էրդողանի հետևյալ խոսքերը. «Այժմ տեսնում են , որ որոշ լրատվամիջոցներ, որոնք դեռ երեկ միմյանց կողքով չեին քայլում ձեռք ձեռքի են տվել: Պետական գաղտնիքի հրապարակումը ոչ այլ ինչ է, քան պետական դավաճանություն»:

Փաստաբանն Էրդողանի այս խոսքերը որակավորել է հակաօրինական և անարդար իր պաշտպանյալի նկատմամբ` ավելացնելով, որ դրանք դատապարտելի են և օրենսդրության, և միջազգային օրենքների ու հռչակագրերի տեսանկյունից:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: