Թուրքիա. Վճռաբեկ դատարանը չեղյալ է համարել քրոջն ու փեսային սպանած հայի դատավճիռը

Տարածաշրջան14:14, 05 Դեկտեմբեր 2013

Թուրքիա. Վճռաբեկ դատարանը չեղյալ է համարել քրոջն ու փեսային սպանած հայի դատավճիռը

Թուրքիայում վճռաբեկ դատարանը չեղյալ է համարել ծագումով հայ քաղաքացի Գոնայ Օղմենի նկատմամբ կայացված դատավճիռը, ըստ որի Օղմենը մուսուլման տղամարդու հետ ամուսնացած քրոջ, ինչպես նաև փեսայի սպանությունը կատարել է ավանդույթների հողի վրա: Ստամբուլի ծանր հանցագործությունների 1-ին դատարանում Օղմենը դատապարտվել էր «ավանդույթի հողի վրա կատարած սպանության» մեղադրանքով և քրոջը՝ Սոնա Վուրալին ու փեսային՝ Զաքերյա Վուրալին սպանելու համար 2 անգամ դատապարտվել ցմահ ազատազրկման:

Որոշումը չեղյալ է հայտարարվել վճռաբեկ դատարան ուղարկվելուց հետո:

Որոշման մեջ ասվում է, որ «ավանդույթի հողի վրա կատարած սպանությունը» կատարվում է այն մարդու նկատմամբ, ով ցուցաբերում է այլ վերաբերմունք հասարակության կողմից յուրացված ավանդույթների նկատմամբ, իսկ սպանությունը սպասելի է լինում հասարակության կողմից, ինչի իրագործումն էլ իր վրա է վերցնում հանցագործը:

Ինչպես հաղորդում է թուրքական «haberfx» էլեկտրոնային լրատվականը, գործը քննվում է որպես կանխամտածված սպանություն, իսկ թուրքական քրեական օրենսգրքի համաձայն ազգականի նկատմամբ իրականացված կանխամտածված սպանությունը նախատեսում է ցմահ բանտարկություն՝ խիստ ռեժիմով:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։