Հասարակական10:07, 04 Դեկտեմբեր 2013
Ջոշքուն. «Եթե շուտով լսեք, որ թուրքերը զավթիչներ են, այլևս չզարմանաք»
«Վերջին ասելիքս ամենասկզբում ասեմ» վերտառությամբ հոդվածում թուրք վերլուծաբան
Բայրամ Ջոշքունը խոսել է այն մասին, որ թուրքերը շուտով կհռչակվեն զավթիչներ:
«Շատ մոտ ժամանակներս եթե սկսեն թուրքերին անվանել «Անատոլիայում գտնվող զավթիչներ» բոլորովին չզարմանաք»,- գրում է Ջոշքունը «ՊրեսսԹուրք» կայքում հրապարակված իր հոդվածում: Ապա շարունակում է. «Եվրամիության սիրահարները, ԱՄՆ-ի ջատագովները, կրոնների միջև երկխոսության առաքյալներըմ պառակտիչ կազմակերպության անդամներ են… Այլ կերպ ասած` այս հողերում Մեծ Իսրայել պետության, Հայոց պետության և Պոնտոսի մասին երազողները սկսելու են ասել «Թուրքերն Անատոլիայում զավթիչներ են»: Ըստ նրա` ժամանակակից մամուլն էլ իր վրա կվերցնի այդ քարոզչության շեփորը:
Հոդվածագիրը դժգոհում է, որ թուրքական իշխանությունները ժողովրդավարական բարեփոխումներ անվան տակ սկսել են օրենսդրական նախաձեռնություններով ճանապարհ բացել վերոնշյալ վտանգի առաջ: Ջոշքունը թվարկում է այդ գործողությունների շարքը.
- Նախ շրջանառության
մեջ դրեցին գերական ինքնության և ենթաինքնության մասին հեքիաթները: Հետո
վերացրեցին թուրքական ինքնությանը վիրավորանք հասցնելը հանցանք համարող
դրույթը
- Մեդալների ու
շքանշանների վրայից ջնջեցին «Թուրքիայի Հանրապետություն» արտահայտության
հապավումը` ԹՀ-ն:
- Հանրակրթական դպրոցներում ավանդույթ դարձած աշակերտական երդումը, որը սկսվում էր «Թուրք եմ» արտահայտությամբ, դուրս մղվեց: Դա քիչ էր, վերացրեցին նաև «Երջանիկ է նա, ով ասում է` թուրք եմ» կարգախոսը:
Հոդվածի հեղինակը նշում է, որ թվարկված գործողությունները սկսված գործընթացի
դեռ միայն սկիզբն են ազդարարում: Պատահական չէ, որ արդեն պետական այրերն են սկսել
խոսել Քուրդիստանի և Լազիստանի մասին (Այդ մասին խոսել է վարչապետ Էրդողանը-խմբ.):
«Թե այսպես շարունակվի, մասնավորապես Էգեյան ծովի, Մարմարայի ու հատկապես
Ստամբուլի իսկակակն տեր կճանաչվի Հունաստանը»:
Ջոշքունն առաջ է քաշում այն վարկածը, որ թուրքերին այդ հողերից օտարելու ծրագիրն արևմտյան ուժերի ձեռք ի գործն է, որն ունի արդեն 8-9 դարի պատմություն: Ըստ նրա` խնդիր է դրված «ամրոցը ներսից գրավել», այսինքն Թուրքիան ներսից մաս-մաս անելու ռազմավարություն է բանեցվում: Դրա համար էլ կգա օրը, երբ թուրքերին արդեն կանվանեն զավթիչներ:
«Հա ի դեպ, այդ ընթացքում գտնվում են թշվառներ, ովքեր թուրքական քաղաքում Թուրքիայի դրոշի տակ նստած թուրքերեն ասում են «Թուրք կոչվող ռասա չկա»,- նշում է հոդվածագիրը:
Հիշեցնենք, որ նման արտահայտություն արել էր Թուրքիայի վարչապետ Ռեջեփ Թայիփ Էրդողանի գլխավորած «Արդարություն և զարգացում» կուսակցության (ԱԶԿ-AKP) գործադիր խորհրդի անդամ, պատգամավոր Յասին Աքթայը Բայբուրթի համալսարանում:
Ermenihaber.am
Այս ենթաբաժնի վերջին նորությունները
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Վերագնումի (ռեպո) պայմանագրի հիման վաճառվում են պարտատոմսեր՝ որոշ ժամանակ անց դրանք ավելի բարձր գնով հետ գնելու պայմանավորվածությամբ:
Մինչ Բորսայում Ստամբուլի ակտիվ ներդրողների թիվը կազմում է ընդամենը 5.6 միլիոն, կրիպտո ակտիվ օգտագործողների թիվը անցնում է 10 մլն-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես հիմնավորում նշվել է, որ «Վերադարձ» ֆոլկ խմբին արգելվում է ելույթ ունենալ «ահաբեկչության քարոզչության» համար։
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Հրեա մասնագետը նշել է, որ թուրքական հրթիռի նախորդ տարբերակը սպառնալիք էր Հունաստանի և Հայաստանի համար, իսկ այժմ՝ այն սպառնալիք է ողջ տարածաշրջանի համար։
Ըստ նախարարի՝ Թուրքիան հիմա ծնելիության պատմական ամենացածր մակարդակի վրա է:
Հունասանի վարչապետը նշել է, որ վետո կկիրառեն և Թուրքիան չի միանա Եվրամիության «SAFE» ծրագրին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |