Հասարակական08:53, 30 Նոյեմբեր 2013
Իսլամացված հայերի մասին նոր գիրք Թուրքիայում
Թուրքիայում
հրապարակվող «Ակոս» շաբաթաթերթի սպանված խմբագրապետ Հրանտ Դինքի անվան հիմնադրամը
2 գիրք է հրատարակել՝ «Սրից փրկվածները.
Թուրքիայի ծպտյալ և իսլամացված հայերը» և «Մարդինյան ծանուցումներ»:
Դինքի այրին՝ Ռաքել
Դինքը, «Թայմթուրք» լրատվական կայքում
հրապարակված հոդվածում ներկայացրել է 2 գրքերը:
«Սրից փրկվածները.
Թուրքիայի ծպտյալ և իսլամացված հայերը»
Օսմանյան
կայսրությունում հայ բնակչության մեծ մասի ոչնչացումից՝ 1915 թվականից, գրեթե մեկ դար անց լրագրող, սոցիոլոգ Լորենս
Ռիթերը և լուսանկարիչ Մաքս Սիվասլյանը սպանված հայերի ողջ մնացած սերունդներին հետազոտելու
նպատակով Թուրքիայի արևելյան շրջաններում, Ստամբուլում և Եվրոպայում բազմաթիվ
մարդկանց հետ են հանդիպել:
Ռաքել Դինքը մեջբերելով
ամուսնու խոսքերը «Այս երկրում ողջերի հետ խոսելը ավելի դժվար է, քան մեռածների
մասին խոսելը», նշում է, որ մինչև վերջերս իսլամացված հայերի թեման թուրքերի,
քրդերի և հայերի մոտ տաբու է եղել: Այդ թեմայի վերաբերյալ գուցե միայն ծայրահեղ
ազգայնականներն են խոսել` այն էլ փորձելով նրանց քաղաքական դավադրությունների մաս
ներկայացնել: Ըստ որոշ ուսումնասիրողների՝
այսօր դավանափոխ հայերի թիվը միլիոն և գուցե ավել է , սակայն նրանց իրական
պատմությունը գրեթե բացահայտված չէ:
Ո՞վքեր են այդ մարդիկ,
ինչպե՞ս են ապրում, ի՞նչ դժվարությունների միջով են անցում, ի՞նչ են զգում,
ինչպե՞ս են իրենց ներկայացնում: Այս գիրքը վերոնշյալ հարցերի պատասխաններն է փնտրում
հենց նրանցից: Մեկ բան միայն հստակ է. նրանք երբեմն հայ են, երբեմն թուրք, երբեմն
քուրդ, երբեմն քրիստոնյա, երբեմն մուսուլման և երբեմն այս բոլորը միասին կամ էլ
դրանցից և ոչ մեկը:
Սրից փրկվածները նոր
ճեղք է բացում լռության պատի վրա, որն սկսվել է ցնցվել:
«Մարդինյան
ծանուցումներ»
Այս գիրքը կազմված է
հոդվածներից, որոնք բազմակողմանի քննության են առնում Մարդինը, որը տաբեր կրոնների մշակույթների
օրորոցն ու ամենակոսմոպոլիտ վայրերից մեկն է եղել, ինչպես նաև նրա շուրջ տեղի
ունեցող հասրակական և տնտեսական փոփոխությունները:
Գրքում քննվում են պետական քաղաքականության ազդեցությունը շրջանի վրա, մշակութային, առօրյա կյանքը, տնտեսությունը, էթնիկ և կրոնական բախումները, շուրջ մեկդարյա կտրվածքով՝ թազմինաթյան ժամանակաշրջանից մինչև հանրապետական միակուսակցական ռեժիմի 15 տարիները (1838-1938 ընդգրկող ժամանակահատված):
«Այս հողերում բազմաթիվ ժողովուրդներ, լեզուներ, մշակութային
թաղամասեր ոչնչացվեցին, և որքան շատ էին ոչնչացվում, այնքան այդ հին
քաղաքակրթության օրրանն անապատի էր վերածվում, առատությունը, սերն ու
ուրախությունն էլ միասին հեռացան: Լեզուները քչացան այստեղի կյանքն էլ
լռեց»,-եզրափակել է Ռաքել Դինքը:
Ermenihaber.am
Այս ենթաբաժնի վերջին նորությունները
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Վերագնումի (ռեպո) պայմանագրի հիման վաճառվում են պարտատոմսեր՝ որոշ ժամանակ անց դրանք ավելի բարձր գնով հետ գնելու պայմանավորվածությամբ:
Մինչ Բորսայում Ստամբուլի ակտիվ ներդրողների թիվը կազմում է ընդամենը 5.6 միլիոն, կրիպտո ակտիվ օգտագործողների թիվը անցնում է 10 մլն-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես հիմնավորում նշվել է, որ «Վերադարձ» ֆոլկ խմբին արգելվում է ելույթ ունենալ «ահաբեկչության քարոզչության» համար։
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Հրեա մասնագետը նշել է, որ թուրքական հրթիռի նախորդ տարբերակը սպառնալիք էր Հունաստանի և Հայաստանի համար, իսկ այժմ՝ այն սպառնալիք է ողջ տարածաշրջանի համար։
Ըստ նախարարի՝ Թուրքիան հիմա ծնելիության պատմական ամենացածր մակարդակի վրա է:
Հունասանի վարչապետը նշել է, որ վետո կկիրառեն և Թուրքիան չի միանա Եվրամիության «SAFE» ծրագրին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |