Հույներն արձագանքել են Սբ. Սոֆիա տաճարը մզկիթի վերածելու մասին թուրքերի հայտարարություններին

Տարածաշրջան11:21, 20 Նոյեմբեր 2013

Հույներն արձագանքել են Սբ. Սոֆիա տաճարը մզկիթի վերածելու մասին թուրքերի հայտարարություններին

Հունաստանի Արտաքին գործերի նախարարության մամուլի խոսնակ Կոստանտինոս Կուտրասը Ստամբուլի Սբ. Սոֆիա (Այա Սոֆիա) տաճարը մզկիթի վերածելու պահանջները անվանել է հնացած:

«Բյուզանդիայի քրիստոնեական սրբավայրերը համաշխարհային մշակույթի և կրոնական ժառանգության անբաժանելի մասն են կազմում և այդ սրբավայրերը պետք է պահպանել` անհրաժեշտ հարգանք ցուցաբերելով»,- ընդգծել է հույն պաշտոնյան:

Թուրքիայում հրատարակվող հայկական «Ակոս» շաբաթաթերթը հայտնում է, որ, ըստ Կուտրասի, թուրք պաշտոնյաների՝ տաճարը մզկիթի վերածելու մասին անընդհատ կրկնվող հայտարարությունները վիրավորում է միլիոնավոր քրիստոնյաների կրոնական զգացմունքները:

«Սա ժամանակաշրջանին անհամապատասխան և անհասկանալի արարք է մի այնպիսի պետություն (Թուրքիա,- խմբ.) համար, որը հայտարարում է Եվրոպայի Միությանն (ԵՄ) անդամակցելու ցանկության մասին: Իսկ ինչպես գիտենք, ԵՄ-ում ամենահիմնարար սկզբունքներից մեկն էլ դավանանքի ազատության նկատմամբ հարգանքն է»,- հայտարարել է Կուտրասը:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։