Թուրքիայում եզդիների ակտիվությունն անհանգստություն է հարուցում

Տարածաշրջան13:27, 18 Նոյեմբեր 2013

Թուրքիայում եզդիների ակտիվությունն անհանգստություն է հարուցում

Դիարբեքիրում կազմակերպված «Բռնի տեղահանություն և ետ վերադարձ դեպի գյուղ» թեմայով գիտաժողովի հրավիրյալների թվում է եղել նաև Եզդիական միություններ ֆեդերացիայի համանախագահ Ֆելեքնազ Ուջան:

Ուջան իր ելույթում նշել է, որ ինքը մի եզդի ընտանիքի զավակ է, որը 1992-ին ենթարկված ճնշումների հետևանքով մեկնել է Թուրքիայից: Ուջայի խոսքերով տարածաշրջանում բազմաթիվ եզդիական գյուղեր են հրի մատնվել, իսկ այժմ Թուրքիայում մոտ 500 եզդի է ապրում: Ուջան, ում ելույթին անդրադարձել է «Հաբերվաքթիմ» էլեկտրոնային պարբերականը, այսպես է արտահայտվել. «Մուսուլմանները որոնք սկզբում որպես եղբայր էին իրենց ձևացնում, սկզբում տիրացան եզդիների տներին, այնուհետև՝ ունեցվածքին: Թուրքական պետությունն էլ այս ամենի վրա աչք փակեց: 80-ականներին և դրանից առաջ եզդիներին անհավատ ճանաչելով գրոհեցին եզդիաբնակ գյուղերը: Եզդիները քաղաք տեղափոխվելուց հետո էլ վախենում էին խոսել իրենց ազգության մասին: Ամենավերջում նույնիսկ բանը հասավ նրան, որ մուսուլմանները սկսեցին եզդի կանանց փախցնել: Քուրդ եղբայրների ազատագրական շարժումներին աջակցություն ցույց տալու համար պետության կողմից ճնշումների դատապարտվեցինք:1920-20 թթ. այս տարածաշրջանում 10 հզ եզդիներ էին ապրում, իսկ այժմ՝ ընդամենը 500-ը»:

Ուջան շեշտել է, որ ՔԲԿ առաջնորդ Օջալանի սկսած գործընթացի շնորհիվ իրենք կկարողանան հետ վերադառնալ իրենց գյուղերը:

Թերթը քրդական Խաղաղություն և ժողովրդավարություն կուսակցության (ԽԺԿ) կողմից վերջին ժամանակներում կազմակերպվող նմանատիպ գիտաժողովներին եզդիների մասնակցությունը Անատոլիայում (Արևմտյան Հայաստան) և հատկապես Դիարբեքիրում եզդիական պրոպագանդա է որակել:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: