Քրդական կուսակցությունը վերսկսել է թուրք-սիրիական սահմանին կառուցվող պատի կառուցման բոյկոտը

Տարածաշրջան07:33, 14 Նոյեմբեր 2013

Քրդական կուսակցությունը վերսկսել է թուրք-սիրիական սահմանին կառուցվող պատի կառուցման բոյկոտը

Թուրք-սիրիական սահմանին Թուրքիայի կառավարության կողմից կառուցվող պատի աշխատանքները վերսկսվել են, ինչին անմիջապես հաջորդել է քրդական ԽԺԿ-ի (Խաղաղություն և ժողովրդավարություն կուսակցություն) բողոքի ակցիայի վերսկսումը:

Թուրքիայի Նուսայբին և Սիրիայի Քամըշլը քաղաքների միջև կառուցվող պատի աշխատանքները դադարեցնելու պահանջով Նուսայբինի ԽԺԿ-ական քաղաքապետ Այշե Գյոքանի ինը օր տևած նստացույցը դադարեցվել էր այն բանից հետո, երբ ԽԺԿ համանախագահ Սալահետդին Դեմիրթաշը հայտարատել էր աշխատանքների դադարեցման մասին:

Թուրքական «Հաբերանդ» լրատվական կայքի հաղորդմամբ՝ աշխատանքների վերսկսման լուրն առնելուն պես ԽԺԿ-ն որոշոլ է վերսկսել բողոքի ակցիան. մոտ 200 ԽԺԿ-ական ցուցարարներ Նուսայբինի մշակույթի տան դիմաց անժամկետ բողոքի ակցիա են սկսել:

Մարդինի ԽԺԿ-ական քաղաքապետ Ռեշաթ Քայմազը նշելով, որ կառուցվելիք 1,2 մետր բարձրությամբ պատի վրայով էլ փշալարեր են անցկացվելու, ասել է. «Կառավարությունը մեզ խոստացել էր պատ չկառուցել, սակայն մեր բողոքի ակցիայի դադարեցումից հետո աշխատանքները վերսկսեց: Այս պատը ոչ միայն քուրդ ժողովրդի, այլ նաև հայ, ասորի, եզդի ու արաբ ժողովուրդների միջև է կառուցվում: Թող պետությունը հետ կանգի իր քայլից և ժամ առաջ մաքրվի այս ամոթից»:

Քայմազը հայտարարել է, որ իրենց ակցիան շարունակվելու է այնքան ժամանակ, քանի դեռ պետությունը պաշտոնական հայտարարություն չի արել՝ ավելացնելով, որ պատի կառուցման աշխատանքները չդադարեցվելու դեպքում իրենք ավելի արմատական միջոցների կդիմեն:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։