Թուրքիան տարանցիկ երկիր կդառնա ադրբեջանական գազը Եվրոպա մատակարարելու համար

Տնտեսական13:20, 14 Նոյեմբեր 2013

Թուրքիան տարանցիկ երկիր կդառնա ադրբեջանական գազը Եվրոպա մատակարարելու համար

Կասպիական բնական գազը Թուրքիայի տարանցիկ գոտիով Եվրոպա արտահանելու ծրագրի իրականացման մեկնարկը կտրվի առաջիկայում: Ինչպես հայտնում են թուրքական լրատվամիջոցները, «TANAP» նախագծի նախապատրաստական աշխատանքներն ավարտին կհասցվեն մինչև տարեվերջ, իսկ 2014-ի սկզբներին արդեն գազատարի կառուցումը կսկսվի:

Նախատեսվում է գազատարի շինարարությունն ավարտել 2018 թվականին: Մոտավորապես 2.000կմ երկարություն ունեցող գազատարի անցկացման համար կպահանջվի 7 մլրդ դոլար: Եթե դա իրականություն դառնա, ապա Ադրբեջանը կկարողանա Եվրոպային տարեկան մատակարարել 10 մլրդ խմ գազ, իսկ Թուրքիային` 6 մլրդ խմ:

Բաքու-Թբիլիսի-Ջեյհան նավթատարից հետո սա երկրորդ նմանատիպ նախագիծն է, որի հաջողությանը լիակատար վստահություն է հայտնել Թուրքիայի վարչապետ Ռեջեփ Թայիփ Էրդողանը, ինչպես Կարս-Թբիլիսի-Բաքու երկաթգծի պարագայում:

Կարևորելով արևելյան և հյուսիս-արևելյան հարևանների հետ երկաթուղային հաղորդակցությունը` Էրդողանը նշել է կառուցվելիք Իգդիր-Նախիջևան երկաթուղու մասին:

Ermenihaber.am