Էրդողան. «Ղարաբաղի հարցում շարունակվում է մեր անվերապահ աջակցությունն Ադրբեջանին»

Տարածաշրջան13:39, 13 Նոյեմբեր 2013

Էրդողան. «Ղարաբաղի հարցում շարունակվում է մեր անվերապահ աջակցությունն Ադրբեջանին»

Պաշտոնական այցով Թուրքիայում գտնվող Ադրբեջանի նախագահ Իլհամ Ալիևը և Թուրքիայի վարչապետ Ռեջեփ Թայիփ Էրդողանը հանդիպումից հետո համատեղ մամուլի ասուլիս են տվել, ինչի ժամանակ, ի թիվս այլ հարցերի, խոսել են նաև Լեռնային Ղարաբաղի հակամարտության կարգավորման մասին:

Էրդողանը նշելով, որ Լեռնային Ղարաբաղի հարցն այս պահին ինչքան Ադրբեջանի, այնքան էլ Թուրքիայի խնդիրն է, ասել է. «Այս խնդիրը մենք շատ ենք կարևորում Կովկասում խաղաղության ու կայունության հաստատման տեսանկյունից: Դա տեղ է զբաղեցնում մեր արտաքին քաղաքականության ուղեգծում: Մենք այն չենք կարողանտեսել: Մենք շարունակում ենք այս խնդրի խաղաղ կարգավորման հարցում անվերապահորեն սատարել Ադրբեջանին: Իհարկե, այստեղ ավելի մեծ պատասխանատվություն է ընկնում Մինսկի եռյակի վրա: Մենք այսօր ևս մեկ անգամ հնարավորություն ունեցանք միասին քննարկելու, թե ինչ կարող է անել այս հարցում Թուրքիան»:

Թուրքական «Անադոլու» լրատվական գործակալության տեղեկացմամաբ՝ Ալիևն էլ իր հերթին, նշելով, որ Թուրքիայի ավելի հզորանալու փաստը իրենց շատ է ուրախացնում ասել է. «Թուրքիան մեծ ճանապարհ է բռնել. Առանց Թուրքիայի համաձայնության տարածաշրջանում որևէ ձեռնարկում չի կարող լինել»:

Շարունակելով միտքը՝ Ալիևն ասել է. «Լեռնային Ղարաբաղի հարցում մենք լիովին վստահում ենք Թուրքիային և համոզված ենք, որ շարունակ մեր կողքին կլինի»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: