Դավութօղլու. «Պետք է հաղթահարել մեր նկատմամբ ունեցած Հայաստանի անվստահությունը»

Տարածաշրջան07:27, 13 Նոյեմբեր 2013

Դավութօղլու. «Պետք է հաղթահարել մեր նկատմամբ ունեցած Հայաստանի անվստահությունը»

Իրաք կատարած այցից վերադառնալուց հետո Թուրքիայի արտաքին գործերի նախարար ԱհմեթԴավութօղլուն թուրքական «Էն Թի Վի» հեռուստաընկերությանը տված հարցազրույցում անդրադարձ է կատարել նաև հայ-թուրքական հարաբերություններին:

Դավութօղլուն նշել է, որ ընտրվելուց հետո Թուրքիա այցելած Իլհամ Ալիևի հետ քննարկել են Թուրքիա-Հայաստան-Ադրբեջան հարաբերություններում տեղի ունեցող զարգացումները: Դավութօղլուն հայտնել է, որ իրենք ջանքեր են գործադրում հայ-թուրքական հարաբերությունների կարգավորման ուղղությամբ, որոնք, ըստ թուրք նախարարի, կազմված են հայ-թուրքական, հայ-ադրբեջանական հարաբերություններից և հայկական սփյուռքի մասնակցությամբ հարաբերություններից: Դավութօղլուն մասնավորապես ասել է. «Պետք է հաղթահարել մեր նկատմամբ ունեցած Հայաստանի անվստահությունը, սակայն նոր ժամանակաշրջան սկսելու համար չենք կարող հաշվի չառնել նաև Ադրբեջանի արդար պահանջները»:

Դավութօղլուն ավելացրել է նաև, որ Հայաստանում և Ադրբեջանում կայացած ընտրություններում հաղթած ուժեղ թեկնածուների ներկայությունն արդեն Կովկասում խաղաղություն հաստատելու համար անհրաժեշտ նախապայմաններ է ստեղծում:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։