Հալաչօղլուն պահանջում է Այա Սոֆիա քրիստոնեական տաճարը վերաբացել որպես մզկիթ

Մշակութային11:07, 08 Նոյեմբեր 2013

Հալաչօղլուն պահանջում է Այա Սոֆիա քրիստոնեական տաճարը վերաբացել որպես մզկիթ

Ազգայնական շարժում կուսակցության (ԱՇԿ-MHP) նախագահի տեղակալ Յուսուֆ Հալաչօղլուն Թուրքիայի խորհրդարանին օրինագիծ է ներկայացրել` Այա Սոֆիայի տաճարը որպես մզկիթ վերաբացելու վերաբերյալ:

Հալաչօղլուն նշելով, որ Այա Սոֆիա տաճարը Մեմհեդ 2-րդի կողմից Կոստանդնուպոլսի նվաճումից հետո որպես մզկիթ է օգտագործվել, սակայն 1935 թվականի փեստրվարի 1-ից վերածվել է թանգարանի, ասել է, որ ներկայումս Այա Սոֆիայի` որպես թանգարան օգտագործումը հակասում է օրենքներին և անհրաժեշտ է այն վերաբացել որպես մզկիթ:

Այա Սոֆիա բյուզանդական կայսրության գլխավոր քրիստոնեական տաճարը և Կոստանդնուպոլսի պատրիարքի նստավայրն է եղել։ Oսմանցի թուրքերի կողմից Բյուզանդիայի մայրաքաղաքի գրավումից հետո ծառայել է որպես մզկիթ, ներկայումս` թանգարան է։ Իր ներկա տեսքով կառուցվել է 532-537թթ. Հուստինիանոս I կայսեր նախաձեռնությամբ ճարտարապետներ Իսիդոր Միլեթացու և Անթիմիոս Թրալացու կողմից:

Ermenihaber.am