Թուրքական մամուլ. Գալաթասարայի նախկին մարզիչը մերժել է գլխավորել Հայաստանի ֆուտբոլի հավաքականը

Մարզական12:01, 07 Նոյեմբեր 2013

Թուրքական մամուլ. Գալաթասարայի նախկին մարզիչը մերժել է գլխավորել Հայաստանի ֆուտբոլի հավաքականը

Շրջանառվող լուրերի համաձայն ռումինացի հայտնի ֆուտբոլիստ Գեորգե Հաջին կարող է գլխավորել Հայաստանի ֆուտբոլի ազգային հավաքականը: Ռումինական մամուլը գրում է, որ 48-ամյա լեգենդ Հաջին Հայաստանի Ֆուտբոլի ֆեդերացիայից երկրի ազգային հավաքականը գլխավորելու առաջարկ է ստացել: Այս տեղեկությանը անդրադարձել է նաև թուրքական մամուլը: Հիշեցնենք որ, լեգենդար ռումինացին նախկինում հանդես եկել թուրքական հայտնի «Գալաթասարայ» ֆուտբոլային ակումբում, ինչպես նաև 2011 զբաղեցրել է գլխավոր մարզչի պաշտոնը:

Թուրքական «2.sporx» մարզական կայքը հայտնում է, որ ռումինացի մասնագետի ծառայություններով հետաքրքրված են Հայաստանում, այդ իսկ պատճառով Հայաստանի ֆուտբոլի ֆեդերացիայի ներկայացուցիչները կապ են հաստատել Ռումինիայում հանդես եկող Հայաստանի ազգային հավաքականի նախկին ֆուտբոլիստներ Արման և Արտավազդ Քարամյան եղբայրների հետ, ովքեր անձամբ ճանաչում են Հաջիին: Ավելի ուշ թուրքական «skorer.milliyet» կայքը ևս անդրադարձել է այս հարցին, հայտնելով որ ռումինացի մասնագետը հրաժարվել է գլխավորել Հայաստանի հավաքականը: Նշվում է, որ Հաջի գործակալ Վիկտոր Բեջալին տեղեկացրել է, որ Հաջին ներկայումս չի պատրաստվում գլխավորել որևէ հավաքական, ավելին նա ցանկություն ունի մնալ և մարզչական գոծունեությամբ զբաղվել Ռումինիայում:

Ermenihaber.am