Աթաթուրքի պատկերը հանվել է Թուրքիայի պետական շքանշանների վրայից

Տարածաշրջան12:23, 06 Նոյեմբեր 2013

Աթաթուրքի պատկերը հանվել է Թուրքիայի պետական շքանշանների վրայից

Թուրքիայի պետական շքանշանների և մեդալների վրայից հանվել է Թուրքիայի Հանրապետություն անվան հապավումը` TC, ինչպես նաև հանրապետության հիմնադիր և առաջին նախագահ Քեմալ Աթաթուրքի ուրվանկարը (սիլուետ):

Ըստ «Սի Էն Էն Թուրք» լրատվական ծառայության` Թուրքիայի կառավարությունը, ստանալով նախագահի հավանությունը, փոփոխությունների է ենթարկել պետական շքանշանների և մեդալների արտաքին տեսքը: Արդյունքում «Պետության շքանշան»-ից հեռացվել է Աթաթուրքի պատկերը, իսկ «Հանրապետության շքանշան»-ի վրայից հանվել է նախկինում եղած TC հապավումը: Փոխարենը ընդգծվել է կիսալուսնի և աստղի սիմվոլիկան:

Փոփոխության է ենթարկվել նաև գիտության և արվեստի ոլորտներում արտերկրում Թուրքիան արտերկրում ներկայացնելու գործում ունեցած վաստակի համար օտարերկրյա քաղաքացիներին տրվող մեդալը: Մեդալի նախկին տեսքը զարդարում էր սուր և գրիչ արտացոլող պատկերը, այժմ դա հանվել է և փոխարենը մեդալի վրա խորատպվել է 16 տերևանոց մի ծաղիկ, որը խորհրդանշում է պատմությանը հայտնի թուրքական 16 պետությունները:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։