ERMENI HABER AJANSI

Թուրքիայում կրկին ձախողվել է ATAK տեսակի մարտական ուղղաթիռների փորձարկումը: Իտալական թվով 9 ուղղաթիռները չեն կարողացել անցնել պայմանագրով նախատեսված փորձարկումը և Ցամաքային զորքերի հրամանատարության ընդունող հանձնաժողովի կողմից կրկին մերժում են ստացել:

Ըստ թուրքական «թայմթուրք» լրատվական աղբյուրի՝ Ագուսթա Ուեսթլանդի հետ համատեղ արտադրվելիք 50 ուղղաթիռների ճակատագիրը անհայտ է: Ուղղաթիռերի համատեղ արտադրությունը գնահատվել էր 3 միլիարդ դոլար: Ավելի վաղ պայմանագրով նախատեսված  «ծանրություն» «հավասարակշռություն» և «թրթռում»  բնույթի տեխնիկական անճշտությունները չվերացնելու պատճառով ուղղաթիռների ընդունումը չէր հաստատվել:

Այդ իսկ պատճառով ուղղաթիռների ընդունման պայմանագիրը փոփոխության է ենթարկվել: Սակայն ցամաքային զորքերի հրամնատարությունը նախորդ շաբաթ  անցկացրած փորձակումների ժամանակ կրկին ուղղաթիռները չի հավանել: 

Հիշեցնենք որ, Իտալիայից գնված ուղղաթիռները պետք է ծառայեին թուրքական ցամաքային զորքերին դեռ 2012 թվականի նոյեմբեր ամսից: Սակայն մի շարք տեխնիկական խնդիրների պատճառով մինչ այսօր ուղղաթիռների ընդունումը չի կատարվում:

Նշվում է, ATAK ուղղաթիռների առջևի հատվածը՝  համեմատած  ետնամասի, ավելի ծանր է: Ուղղաթիռի հավասարակշռության համար ծանրության հիմնական կենտրոնացումը  առջևի հատվածում  խոչըդոտում է նրա աշխատանքին: Ուղղաթիռների առջևի և ետնամասի հատվածներում ծանրության անհամաչափ  բաշխումը ազդում է ուղղաթիռի թռիչքին: Թուրքիայի ցամաքային զորքերի հրամանատարությունը կարծում է, որ Հարավային Անատոլիայի բարձր լռնային գոտիների համար նախատեսված ուղղաթիռների վերոնշյալ տեխնիկական թերությունները կազդեն թռչելու և օդում մնալու աշխատանքի վրա:

Ermenihaber.am