Թուրքիայում գանձախույզներն արդեն պետական մակարդակով են փնտրում հայերի պահած ոսկեղենը

Հասարակական11:40, 01 Նոյեմբեր 2013

Թուրքիայում գանձախույզներն արդեն պետական մակարդակով են փնտրում հայերի պահած ոսկեղենը

Թուրքիայի Բուրսա նահանգի Օրհանգազի շրջանի Քարամեթ գյուղի` նախկինում հայկական մի ընտանիքի պատկանած տներից մեկի նոր տերերը գանձեր են փնտրում հողաշերտի տակ, որի վրա կառուցված է տունը: Գանձախույզները մինչև անգամ պաշտոնական թույլտվություն են ստացել լիազոր մարմիններից և տան բակ բերելով ծանր տեխնիկա` սկսել են հողափորման աշխատանքները:

Գյուղացիների մեջ երկար ժամանակ լուրեր են շրջանառվել այն մասին, թե գյուղը լքած նախկին հայ տանտերերը իրենց ոսկին և թանկարժեք իրերը հողի տակ են ի պահ տվել: Ներկայիս տանտեր հանդիսացող ազգությամբ թուրք Էֆքան Արըն լրագրողներին տվել է հետևյալ պարզաբանումը.

«Գյուղացիների ունեցած տեղեկությունների համաձայն` նախիկնում Քերամեթ գյուղում մի քանի հայկական ընտանիքներ են բնակվելիս եղել: Հետո նրանց մի մասը գյուղից հեռացել է: Այն հայերը, ովքեր դեռ մնացած են եղել, հավաքել են հեռացած հայերի ոսկեղենն ու թանկարժեք իրերը և պահել իմ տան տակ` հույսով, որ մի օր կվերադառնան: Մենք էլ մի տարի է, ինչ թղթաբանությունների մեջ ենք, մինչև ստացանք հողափորման աշխատանքների թույլտվություն»:

Ermenihaber.am