Աթաթուրքը 1915-ի դեպքերն անվանել է երիտթուրքերի ստոր արարք

Հասարակական07:49, 01 Նոյեմբեր 2013

Աթաթուրքը 1915-ի դեպքերն անվանել է երիտթուրքերի ստոր արարք

Թուրք պատմաբան պրոֆեսոր Թաներ Թիմուրը տեղեկություններ է հայտնել այն մասին, թե Թուրքիայի Հանրապետության հիմնադիր և առաջին նախագահ Քեմալ Աթաթուրքն ինչպիսի գնահատական է տվել 1915 թվականի արյունալի դեպքերին:

Ըստ «Թայմ թուրք» լրատվական կայքի` Թիմուրը պատմել է, որ 1918 թվականին Քեմալը Ֆեթհի Օքյարի հետ միասին տպագրում էր «Մինբեր» պարբերականը, որի բազմաթիվ հրապարակումներում երիտթուրքերին ուղղված բազմաթիվ ծանր մեղադրանքներ կային` կապված հայերի ջարդերի հետ: Աթաթուրքի թերթում հոդվածներ էին գրվում այն մասին, որ ամեն ժողովրդի մեջ էլ լինում են ծայրահեղականներ, բայց նրանց պատճառով մի ամբողջ ազգ կոտորելն ու տեղահանելը դատապարտելի է:

Մի մասնավոր զրույցում էլ, ըստ պատմաբանի, Աթաթուրքը 1915-ին տեղի ունեցածի մասին ասել է հետևյալը. «Ահաբեկչության հետ ոչ մի կապ չունեցող հարյուր հազարավոր մարդկանց տեղահանումը և բռնագաղթը ստորություն չէ, բա ի՞նչ է: Նույնիսկ տեղահանությունը կարգադրած Թալեաթ փաշան է իր հուշերում գրել, որ դա իսկական աղետ էր»:

Ermenihaber.am