Թուրքիայի Հանրապետությունը 90 տարեկան է

Տարածաշրջան08:51, 29 Հոկտեմբեր 2013

Թուրքիայի Հանրապետությունը 90 տարեկան է

Թուրքիայում այսօր նշում են հանրապետության հիմնադրման 90 ամյակը: Ամբողջ երկրում մեկնարկել է տոնակատարությունների շարք: Նախագահ Աբդուլլահ Գյուլի գլխավորությամբ պետական բարձրաստիճան այրերը ծաղկեպսակներով այցելել են հանրապետության հիմնադիր Մուստաֆա Քեմալ Աթաթուրքի դամբարան:

Նշենք, որ Թուրքիայում հանրապետական կարգեր հռչակվել են 1923 թվականի հոկտեմբերի 29-ին: Առաջին նախագահ է ընտրվել Քեմալ Աթաթուրքը: Աթաթուրք տիտղոսը թուրքերեն նշանակում է «թուրքերի հայր»:

Նախագահի պաշտոնում Մուստաֆա Քեմալն իրականացրել է մի շարք բուրժուա-ազգայնական բնույթի բարեփոխումներ, որոնց նպատակը աշխարհիկ կարգերի հաստատումն էր Թուրքիայում: Այդպիսով թուրքական պետությանը տրվեց աշխարհիկ բնույթ, արգելվեց բազմակնությունը, ներմուծվեց լատինատառ այբուբեն, մայրաքաղաքը Ստամբուլից տեղափոխվեց Անկարա, վերացվեց կրոնի գործերով նախարարությունը, պետականացվեց հոգևոր դասի ունեցվածքը, կրթությունն ու արդարադատությունը դուրս բերվեցին հոգևորականության վերահսկողությունից և հանձնվեցին պետության վերահսկողությանը:

Քեմալի հիմնած «Ժողովրդահանրապետական կուսակցություն»-ը (ԺՀԿ-CHP) այսօր իշխանություն չունի Թուրքիայում և համարվում է գլխավոր ընդդիմադիր ուժ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: