Թուրք սյունակագիր. «Արդյո՞ք անկեղծ էր Էրդողանը` հայերի իրավունքների մասին խոսելիս»

Հասարակական07:56, 29 Հոկտեմբեր 2013

Թուրք սյունակագիր. «Արդյո՞ք անկեղծ էր Էրդողանը` հայերի իրավունքների մասին խոսելիս»

«Այս երկրում հայ ուղղափառ քաղաքացիներ ունե՞նք: Իհարկե: Հայ քաղաքացիները հարկեր վճարու՞մ են: Իհարկե: Նրանց հավատքը հավուր պատշաճի կազմակերպելը քո պարտականությունն էլ է»: Թուրքիայի վարչապետ Էրդողանը ահա այսպիսի խոսքերով պատասխանել է ընդդիմադիր «Ազգայնական շարժում կուսակցության» (ԱՇԿ-MHP) առաջնորդ Դեվլեթ Բահչելիին, ով Էրդողանին քննադատել էր, ասելով՝ մզկիթները քանդում և փոխարենը եկեղեցիներ ես կառուցում: Թուրքական «հյուրրիեթ» օրաթերթում հրապարակվել է սյունակագիր Մեհմեդ Յըլմազի հոդվածը, որը վերաբերում է Էրդողանի վերոնշյալ խոսքերին: Ըստ Յըլմազի՝ վարչապետի կողմից նման կերպ արտահայտվելը կարևոր է, քանի որ Թուրքիայում հրեաները, հայերը, հույները, ասորիները միայն կրոնական այլադավանության համար միշտ խտրականության են հանդիպել:

Թուրք սյունակագիրը նկատում է, որ նրանք էլ բոլորի նման հարկ են վճարում, ծառայում են բանակում, մասնակցում են ընտրություններին, սակայն երկար տարիներ շարունակում են այնպիսի վերաբերմունքի արժանանալ, կարծես թե «օտարականները» լինեն:

Անշուշտ, պետության պարտականությունն է առանց կրոնական խտրականության կարողանալ ապահովել իր քաղաքացիների դավանանքի ազատությունը, սակայն ոքրան էլ որ դա կարևոր է, միևնույն է, դա բավարար չի կարելի համարել:

Ըստ նրա՝ ասել թե «Եկեղեցիներ եմ վերանորոգում». չի նշանակում, որ պետական այլ պատասխանատու գործերն ի չիք եղան: Վարչապետը այս ամենը բարձրաձայնում է, սակայն այն ամբողջը, որը անհրաժեշտ է, բնականաբար չի կարող արտահայտվել:

Երբ հայտնի դարձավ ժողովրդավարացման փաթեթը», Հունաստանն իր մուսուլման թուրք քաղաքացիներին ճնշումների էր ենթարկում, այդ իսկ պատճառով Թուրքիայում հույն քաղաքացիները նույն վերաբերմունքի արժանացան:

Յըլմազը գտնում է, որ արտաքին քաղաքականության մեջ առկա «փոխադարձ կանոնը» երկրի քաղաքացիների դեմ կիրառելը ճիշտ չէ: Նա նաև նշում է, որ նմանօրինակ խոսքեր արտահայտող քաղաքական գործչի ղեկավարած կուսակցության անդամ չպետք է տառապի ռասիզմով, առավել ևս լինի քաղաքապետի մշակութային հարցերով խարհրդական:

«Գեզի զբոսայգու իրադարձությունների ժամանակ հայերի, հույների և հրեաների հասցեին ռասիստական բնույթի խոսքեր ասած Ստամբուլի քաղաքապետի խորհրդարականը դեռ շարունակում է պաշտոնավարել: Եթե Էրդողանը ամենայն անկեղծությամբ էր խոսում, ապա այս ամենը ինչպե՞ս կբացատրեք»:

Ermenihaber.am