ԱՄՆ դեսպան. Մտահոգ ենք Թուրքիայի՝ Չինաստանից հակահրթիռային համակարգեր գնելու որոշմամբ

Տարածաշրջան12:52, 24 Հոկտեմբեր 2013

ԱՄՆ դեսպան. Մտահոգ ենք Թուրքիայի՝ Չինաստանից հակահրթիռային համակարգեր գնելու որոշմամբ

Թուրքիայում ԱՄՆ դեսպան Ֆրենսիս Ռիկարդոնը հանդիպել է Թուրքիայի Դիվանագիտական թղթակիցների միության անդաների հետ: Թուրքական «Հյուրիյեթի» հաղորդմամբ՝ հանդիպման ժամանակ դեսպանը, ի թիվս այլ թեմաների, խոսել է նաև Չինական ընկերությունից հակահրթիռային համակարգեր գնելու Թուրքիայի որոշման մասին: Վերջինս, նշելով, որ իրենք խիստ մտահոգ են նշյալ որոշմամբ, ասել է, որ հակահրթիռային կայաններ արտադրող ընկերության վրա ԱՄՆ-ում երկու անգամ պատժամիջոցներ է կիրառվել: Դեսպանը պատասխանել է նաև թեմայի հետ կապված Էրդողանի այն հայտարարությանը, որտեղ վերջինս ասել էր, որ, եթե ՆԱՏՕ-ն այդքան զգացմունքային է, ապա մի շարք անդամ երկրների զինանոցներում ռուսական զենքեր կան…

Դեսպանն ի պատասխան ասել է, որ դրանք սովետական ժամանակաշրջանի մնացուկներ են:

Հակահրթիռային կայանների վերաբերյալ հարցին պատասխանելիս Ռիկարդոնը թվարկել է ռազմական ոլորտում թուրք-ամերիկյան հաջող համագործակցության արդյունքում կյանքի կոչված մի շարք նախագծեր՝ ավելացնելով, որ եթե Թուրքիան համագործակցի մի ընկերության հետ, որի նկատմամբ ԱՄՆ-ը պատժամիջոցներ է կիրառել, ապա դա կազդի Թուրքիա-ԱՄՆ ռազմական համագործակցության վրա:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: