Դինքի սպանության մասնակից Էրհան Թունջելը ձերբակալվեց

Տարածաշրջան15:47, 23 Հոկտեմբեր 2013

Դինքի սպանության մասնակից Էրհան Թունջելը ձերբակալվեց

Թուրքիայում հրատարակվող հայկական «Ակօս» թերթի խմբագրապետ Հրանտ Դինքի սպանության վերսկսված դատավարության շրջանակում կայացված ձերբակալության որոշման արդյունքում ձերբակալվել է «Մեծ եղբայր» մականունով Էրհան Թունջելը:

Թուրքական «Հաբեր թուրք»-ի հաղորդմամբ՝ Էրհան Թունջելը Ստամբուլի անվտանգության ծառայության ջոկատների կողմից հայտնաբերվել և ձերբակալել է Քամբուրգազ թաղամասի տներից մեկում:

Թերթի տեղակացմամբ Թունջելին տեղափոխել են Գայրեթթեփեյի անվտանգության բաժանմունք: Ձեռնաշղթաներով կապված Թունջելը ոստիկանական մեքենայից իջնելիս բացականչել է. «Պետությանը ծառայելու արդյունքը սա է: Ադնան Մենդերեսին մահապատժի ենթարկելու օրը ձերբակալվեցի: Դա մեր համար պատիվ է»:

Վերաքննիչ դատարանի կողմից Դինքի դատավարության վերսկսման որոշումից հետո Ստամբուլի 14-րդ ծանր հանցագործությունների դատարանը 2013թվականի սեպտեմբեր 23-ին Թունջելի վերաբերյալ ձերբակալման որոշում էր կայացրել, սակայն մինչ օրս նա ազատության մեջ էր գտնվում:

Նշենք, որ այսօր, մինչ Թունջելի ձերբակալության մասին լուրեր կտարածվեին, թուրքական մամուլում հայտնվել էր թերթերից մեկին տված նրա հարցազրույցը, որտեղ վերջինս սպանության մասին հայտարարություններ էր արել:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: