Քեմալ Քըլըչդարօղլու. Էրդողանի ձեռքերն արյունոտ են

Տարածաշրջան13:16, 22 Հոկտեմբեր 2013

Քեմալ Քըլըչդարօղլու. Էրդողանի ձեռքերն արյունոտ են

Թուրքիայի գլխավոր ընդիմադիր կուսակցության՝ Ժողովրդահանրապետական կուսակցության, առաջնորդ Քեմալ Քըլըչդարօղլուն կուսակցության համագումարի ժամանակ սուր քննադատության է ենթարկել վարչապետ էրդողանին: Թուրքական «Ջումհուրիյեթ»-ի հաղորդմամբ՝ Քլըչթարօղլուն, անդրադառնալով թուրք օդաչուների ազատ արձակմանը ասել է. «Ուրախալի զարգացում տեղի ունեցավ, մեր օդաչուները ազատ արձակվեցին: Մերոնք էլ այնպես դիմավորեցին նրանց օդանավակայանում, կարծես թե իրենք էին ազատել: Ծնկիր ու Քաթարի շեյխի համար աղոթիր ու ինքդ քեզ հարց տուր, թե ինչու են օդաչուները գերեվարվել:

Թուրքիայի քաղաքացիները արդյոք կարողանում են Լիբանանում, Սիրիայում, Եգիպտոսում կամ Իրաքում ազատ զբոսնել: Չեն զբոսնում, և պատճառը քո ( Էրդողան-EH) վարած քաղաքականությունն է»:

Վերջինս մատնացույց է արել նաև Մերձավոր Արևելքի երկրների հետ Թուրքիայի ձևավորած վատ հարաբերությունները ավելացնելով, որ այս պահին Էրդողանը չի կարող այցելել այդ երկրներից որևէ մեկը:

Անդրադառնալով Սիրիայից Թուրքիա անցած փախստականների թվին՝ Քըլըչդարողլուն ասել է, որ ոչ ոք չի կարող հաստատ ասել, թե նրանց թիվա 100 հազար է, ինչպես պնդում է կառավարությունը: Վերջինս մեղադրել է Էրդողանին սահմանային ստուգումները պատշաճ կերպով չիրականացնելու համար ասելով. «Դու չես կարող ստուգել սահմանը, քանզի համագործակցում ես ահաբեկչական կազմակեպության հետ: Հայրն ասում է. «Իմ երեխային խփած գնդակը Թուրքիայից եկավ»: Էրդողանի ձեռքերն արյունոտ են: Ահա այսպիսինն է իրավիճակը Մերձավոր Արևելքում»:

Քըլըչդարօղլուի խոսքերով Թուրքիան արտաքին աշխարհում արդեն վստահության ճգնաժամ է ապրում:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: