Թուրքիայից ուղեղների արտահոսքը դադարել է, սկսվել է ներհոսքը

Գիտակրթական13:57, 22 Հոկտեմբեր 2013

Թուրքիայից ուղեղների արտահոսքը դադարել է, սկսվել է ներհոսքը

Թուրքիայից կատարված ուղեղների արտահոսքը այժմ հակառակ ուղղություն է վերցրել. ժամանակին երկրից արտագաղթած մասնագետները վերադառնում են Թուրքիա: Միայն այս տարի արդեն 117 թուրք գիտնական է ցանկություն հայտնել վերադառնալ Թուրքիա և կատարել հետազոտական աշխատանքներ: Նրանց մեծ մասն ամերիկաբնակ թուրքեր են:

Այս մասին հայտնող թուրքական «Սաբահ» թերթը այդ տենդենցը հիմնավորում է այն հանգամանքով, որ աճել է Թուրքիայի տնտեսության նկատմամբ ունեցած մարդկանց վստահությունը: Գիտարդյունաբերության և տեխնոլոգիայի հարցերով նախարար Նիհաթ Էրգյունը նշել է, որ թուրք գիտնականների ներհոսքը Թուրքիա ավելացել է գրեթե 5 անգամ հատկապես ԱՄՆ-ի «Վիրջինիա», «Սթենֆորդ» և «Ջոն Հոփքինս» նշանավոր համալսարաններից:

Այս հարցում զգալի դեր է խաղացել Թուրքիայի գիտական և տեխնոլոգիական հետազոտությունների խորհրդի (TÜBİTAK) կողմից մեկնարկված նախագիծը, որը, շահավետ պայմաններ առաջարկելով արտերկրում բնակվող թուրք գիտնականներին, խրախուսում է նրանց վերադառնալ և գործունեություն ծավալել հայրենիքում: Թուրքիա վերադառնալու համար այդ նախագծին կարող են դիմել գիտական աստիճան ունեցող թուրք մասնագետները և նաև այն շրջանավարտները, որոնք առնվազն 4 տարի հետազոտական աշխատանքներ են կատարել արտերկրում:

Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։