Բախումներ Թուրքիայի՝ Սիրիային սահամանամերձ նահանգում

Տարածաշրջան06:23, 22 Հոկտեմբեր 2013

Բախումներ Թուրքիայի՝ Սիրիային սահամանամերձ նահանգում

Թուրքիայի Մարդին նահանգի Նուսայբին շրջանում գյուղացիների և թուրք ոստիկանների միջև բախում է տեղի ունեցել:

Բանն այն է, որ թուրք-սիրիական սահմանին պատ է կառուցվել, ինչն էլ հարուցել է տեղի բնակիչների բողոքը: Վերջիններս նշում են, որ պատի կառուցման իրական նպատակը, ոչ թե ապօրինի սահմանախախտումները կանխելն է, այլ Ռոջավան շրջանի շրջափակումը: «Ռեյհանլըյում, Աքչաքալեում այդպիսի պատ չեն կառուցում: Միայն քրդերով բնակեցված վայրերում են այդպիսի ամոթալի բաներ անում»,- գյուղացիները խոսքը մեջբերում է թուրքկան «Բիանեթ» լրատվական կայքը:

Բողոքի ակցիային մասնակցել են նաև քրդական «Խաղաղություն և ժողովրդավարություն» կուսակացության (ԽԺԿ –BDP) պատգամավոր Էրոլ Դորան և կուսակցության նահանգային կառույցի ղեկավար Ռեշաթ Քայմազը:
Նշվում է, որ սահմանի այն կողմում՝ սիրիական հատվածում, ԽԺԿ-ին աջակցելու համար ցույց էր կազմակերպել Սիրիայում քրդական «Ժողովրդավարական միություն» կուսակցությունը (PYD), որը հայտնի է նաև որպես «Քուրդիաստանի բանվորական» կուսակցության(ՔԲԿ-PKK) սիրիական թև:

Ոստիկանները արգելել էին ցուցարարներին քայլերթով շարժվել դեպի սահման՝ պատճառաբանելով, որ տարածքը ականապատված է: Ոստիկանները նշել են, որ քայլերթի համար պետք է դիմեն Մարդինի նահանգապետարան և գործեն ստացված հրահանգների համապատասխան: Սակայն, այդպես էլ նահանգապետարանից որևէ պատասխան չստանալով՝ բողոքի մասնակիցները շարժվել են սահմանի ուղղությամբ, որից հետո էլ սկսվել է բախումը:
Ըստ թուրքական աղբյուրի՝ բախումները տարածվել են շրջանով մեկ, որոնք տարբեր վայրերում շարունակվել են մինչև գիշեր:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: