Հայկական եկեղեցու քարերով Թուրքիայում դպրոց են սարքել

Տարածաշրջան13:49, 21 Հոկտեմբեր 2013

Հայկական եկեղեցու քարերով Թուրքիայում դպրոց են սարքել

Թուրքիայի Թունջելի նահանգի Գեչիմլի գյուղում պահպանված հայկական եկեղեցին անխնամության ու անտերության պատճառով ավերակ վիճակում է հայտնվել: Գյուղացիները համոզված են, որ եթե եկեղեցին վերականգնվի, իրենց մոտ կսկսի զարգանալ զբոսաշրջությունը: Թուրք-քրդական բախումների գոտում գտնվելու պատճառով եկեղեցին երկար ժամանակ այդպես էլ չի ընդգրկվել վերակառուցման ենթակա շինությունների ծրագրում:

Ըստ «Թայմ թուրք» լրատվական կայքի` 2012 թվականին մշակույթի և զբոսաշրջության նախարարության Թունջելիի նահանգային վարչությունը դիմել էր Էրզրումի մշակությային կոթողների պահպանության հաստատությանը և դրական պատասխան ստացել: Սակայն մինչև այժմ ոչ մի գործ չի կատարվել եկեղեցու վերակառուցման ուղղությամբ:

Գյուղացիները մտահոգություն են հայտնել, որ բարձիթողի վիճակում մնացած եկեղեցին թիրախ է դառնում գանձախույզ արկածախնդիրների համար: Գյուղի բնակիչներից Ջեմշի Օղուզհանը լրագրողին ասել է, որ եկեղեցին ավերման է ենթարկվել 1938-ին կազմակերպված քրդերի կոտորածներից հետո: Իսկ1950-ականներին եկեղեցու քարերն օգտագործել են դպրոցաշինության ժամանակ:

Նշենք, որ հայկական այդ եկեղեցին ունի ավելի քան 200 տարվա պատմություն, պատերին դեռևս պահպանված են մնացել հայերեն փորագրությունները: Այն համարվում է Թունջելիի (Դերսիմ) ամենախոշոր եկեղեցիներից մեկը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: