Թուրքիայում պարտադիր զինծառայության ժամկետը 15 ամսից նվազեցվելու է 12-ի

Տարածաշրջան12:37, 15 Հոկտեմբեր 2013

Թուրքիայում պարտադիր զինծառայության ժամկետը 15 ամսից նվազեցվելու է 12-ի

Թուրքիայի փոխվարչապետ Բյուլենթ Արընչը զոհաբերության տոնի (կուրբան-բայրամ) կապակցությամբ Անկարայի Քոջաթեփե մզկիթում աղոթելուց հետո հանդիպել է լրագրողներին: Շնորհավորելով թուրք ժողովրդին սրբազան տոնի առիթով` Արընչը հղել է իր բարեմաղթանքները:

Լրագրողներից մեկը հարց է տվել վերջերս շրջանառվող այն թեմայի մասին, թե սպասվում է, որ պարտադիր զինովորական ծառայության ժամկետը կրճատվելու է: Փոխվարչապետ Արընչը նշել է, որ պարտադիր զինվորական ծառայության ժամկետը կրճատվելու է և ներկայիս 15 ամսվա փոխարեն լինելու է 12 ամիս: Ակնկալվում է, որ իսլամական տոներից հետո առաջիկա ամսվա ընթացքում արդեն կկատարվեն համապատասխան օրենսդրական փոփոխությունները զինապարտության մասին օրենքում, ինչին արդեն կհետևի 12 ամիս զինծառայություն անցած զինորների զորացրումը և նորակոչիները զորակոչը արդեն 12-ամսյա զինծառայության ժամկետով:

Նշենք, որ մուսուլմանական աշխարհում նշվող կուրբան-բայրամ տոնը հանդիսանում է Մեքքա կատարվող ուխտագնացության (հաջ) ավանդույթի մի մասը: Քանի որ ոչ բոլոր մուսուլմաններն են կարող կատարել հաջջ դեպի Մեքքա և անձամբ զոհ մատուցել, այդ պատճառով իսլամի կանոնները թույլ են տալիս մահմեդականներին նշել այդ տոնը ոչ միայն Մեքքայում, այլ նաև այնտեղ, որտեղ բնակվում են:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: