Քրդերը 3 կարևոր պայման են դրել Թուրքիայի դեմ

Տարածաշրջան10:55, 11 Հոկտեմբեր 2013

Քրդերը 3 կարևոր պայման են դրել Թուրքիայի դեմ

«Քրդական համայնքների միության» (ՔՀՄ - KCK) գործադիր խորհուրդը հրապարակել է հռչակագիր քրդական հարցի դեմոկրատական լուծման և առկա գործընթացի շարունակության համար անհրաժեշտ համարվող քայլերի մասին:

Միջանկյալ նշենք, որ «ՔՀՄ»-ն համարվում է Թուրքիայում ահաբեկչական ճանաչված և արգելված «Քուրդիստանի բանվորական կուսակցության» (ՔԲԿ - PKK)-ի քաղաքացիական թևը:

Թուրքական «Դողան» լրատվական գործակալության տեղեկացմամբ` հռչակագրում նշված են երեք կարևորագույն պայմաններ, առանց որոնց անհնար կլինի խուսափել ասիմիլացիայից և մշակութային ցեղասպանությունից: Հատուկ նշվում է, որ առանց այդ երեք պայմանների ի կատար ածման, մնացած բոլոր ասելիքներն ու անելիքները անիմաստ կլինեն:

1. Սահմանադրական և օրեսնդրական երաշխիքի տակ առնել քրդերի ունեցվածքը, ինքնությունը և մշակույթը: Ճանաչել քրդերի ինքնակազմակերպման ազատությունը:

2. Ընդունել քուրդ հանրության ինքնակառավարման ժողովրդավարական ազատությունը:

3. Ճանաչել ամեն մակարդակում մայրենի լեզվով կրթություն ստանալու քրդերի իրավունքը և թույլ չտալ մշակութային ցեղասպանության միջոցով քրդերին որպես ժողովուրդ ոչնչացնելը:

«ՔՀՄ» ղեկավարությունը նշել է, որ առաջիկայում կերևա, թե ինչ գործողությունների կդիմեն իրենք, քանի որ ամեն բան կախված կլինի թուրքական իշխանությունների պատասխան վերաբերմունքից:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: